Autobusa goizeko 9etan irtengo da San Pedro eliza alboko markesinatik eta buelta 18:00ak aldera egingo du. Irteera debalde izango da eta parte hartzeko ezinbestekoa da aldez aurretik sopelakoudalakom[abildua]gmail.com helbidean izena ematea (izen-abizenak, telefono zenbakia, e-posta eta adina zehaztuz, ekainaren 20a baino lehen edo lekuak agortu arte). Sopelan erroldatutako lagunek lehentasuna izango dute.
Irteeran parte hartzen duten lagunek bazkaria eraman beharko dute, eta gogotsu lan egiteko eta ondo pasatzeko prest egon (eta noski, patina!). Skate-park bakoitzean parte-hartzaileek fitxa bat bete beharko dute, eta bertan skate-park horrekiko euren iritzia jarriko dute: pistaren tamaina, zailtasun-maila, lurzoruaren egoera, trantsizioak (cooping, bertikal...), kokalekua, skate-park “azkarra” den (dibertigarria, espazioa ondo aprobetxatuta, elementuen kokaleku egokia, eta abar).
Parte-hartzea
Udalaren asmoa izan da kokalekuaren eta diseinuarekin lotura duten erabakiak skate-parkeen erabiltzaileekin batera hartzea, eurak baitira gai honetan adituak direnak eta azken finean skate-parkea erabiliko dutenak.
Hala ere, adierazi dutenez, prozesu parte-hartzaile hau ez da azken hiru urteotan Sopelako Udalak bultzatu duen lehenengoa. Aurrekontu parte-hartzaileak, mugikortasuna herri erdigunean eta jai batzordeak bultzatutako tailerrak mahaigaineratu dituzte, besteak beste.
Prozesu guztiaren informazioa lantaldearen bitakoran jarrai daiteke: skateparksopelan.blogspot.com
Ezkerraldeko eta Kantabriako skate pistak bisitatuko dituzte Sopelan berria egiteko
Sopelako Udalak martxoaren 14rako deitutako batzar irekiaren ostean, modu autonomoan lanean dabil skate-park berria non eraiki eta nolakoa izango den erabakitzeko taldea. EHUko Parte Hartuz ikerketa-taldeko Joseba Kortazar da taldearen dinamizatzailea, eta lantaldean auzokideak eta udal ordezkariak ari dira elkarlanean. Lehenengo eztabaida kokalekuaren ingurukoa izan da, tokiko iturriek azaldu dutenez. Parte-hartzaileek AMIA (Ahultasunak, Mehatxuak, Indargunean eta Aukerak) bat egin dute, dauden aukera guztien artean. Argitu dutenez, hasiera batean Udalak Urko paduran eraiki nahi zuen azpiegitura, baina "uholdeak sortzeko arriskua dagoenez eta leku oso hezea denez", aukera baztertu zuen. Halaber, tokiko erakundeak 250.000 euroko partida gorde du proiektua gauzatzeko. Ideiak jaso eta Sopelako proiektua garatzen jarraitzeko asmoz, lantaldeak irteera bat antolatu du ekainaren 21rako, inguruko skate-parkeak ezagutuz. Udalak autobusa antolatu du eta Bizkaiko eta Kantabriako hainbat skate-park bisitatuko dituzte: Somo, Castro-Urdiales, El Burgo (Santurtzi), Ballonti (Portugalete), Lasesarre (Barakaldo), Mega-park (Barakaldo) eta Ansio-BEC (Barakaldo). Argazkian, 40 lagun baino gehiago elkartu ziren lehenengo batzarrean / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun