Klub areetarreko kirol arduradunek eta zenbait arraunlarik ekitaldira hurbiltzen direnei arreta eskaini, bai elkarteari berari, bai arraun kirolari buruz, egiten duten edozein galderari erantzungo diote. Azkenik, hala nahi izanez gero, Raspas Arraun Taldearen oroigarriren bat erosi ahalko dute.
Areetako Raspas elkarteak taldea auzotarrei hurbildu eta arraunaren munduan ezagutzera emateko helburua duen jarduera antolatu du larunbat honetarako, hilak 14. Klubeko iturriek adierazi dutenez, Raspasek bat egin nahi du Getxo Kirolaren Europako Hiria 2014 izendapenaren ospakizunarekin. Jarduera, dohainik izango da, eta Areetako Xake plazan egingo dute, 12:00etatik 14:00etara. Bertan, taldeko arraunlariek erakustaldia egingo dute arraun-ergometroaren gainean (arraunean jarduteko simulazioa egiteko gailua da, entrenamendu saioetan erabiltzen dena). Nahi duten guztiek, gailu horiek probatu ahal izango dituzte, kirol-praktika horrekin lehen harremana izateko. Horrez gainera, Xakeplazara gerturatzen direnek, bogalariek erabili ohi dituzten bi ontzi ezagutzeko aukera ere izango dute: trainerua eta jarleku mugikorreko "zortzi" bat. Argazkian, Raspas taldeko arraunlariak entrenatzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun