Andoni Ortuzar EAJko EBBren presidentea Plentzian izan zen pasa den ostegunean, egungo egoera politikoari buruz hitz egiteko. Plentziako Uri Buru Batzarrak bertako batzokian antolatutako hitzaldia "bikaina eta giro paregabekoa" izan zen, jelkideen arabera. Besteak beste, Europako Legebiltzarrerako egindako azken hauteskundeetan izandako aldaketen hausnarketa egin zuen Ortuzarrek, bai Euskal Herriari dagokionez eta baita Estatu espainol mailan ere. Azken atal horretan, Pablo Iglesias telebista aurkezlea zerrendaburu izan duen Podemos / Ahal Dugu alderdiaren agerpena izan zuen hizpide, PPk eta PSOEk izandako jaitsiera handiekin batera. Ortuzarrek erabilitako grafikoetan Iglesiasen argazki baten ondoan nabarmen irakur zitekeenez, "telebistako erradikalak indartsu agertu dira". Bestalde, EBBren presidenteak auzokideekin egon eta entzutera animatu zituen Uri Buru Batzarreko kideak, entzuleek zabaldu dutenez. Argazkian, hitzaldiko une bat / © Plentziako EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun