Egitaraua:
Ekainak 19, osteguna
12:00 Meza.
12:40 Elizaurreko aurreskua eta luncha.
19:00 Txupinazo eta jaien hasiera.
19:00 Kalejira txistulariekin, buruhandiak-erraldoiak eta trikitilariak.
21:30 Herri afaria.
23:30 Kontzertua: Akerbeltz.
Ekainak 20, ostirala
18:00 Umeentzako baserri kirol-jolasak.
19:00 Kalejira txistulariekin.
19:00 Futbol txapelketaren finala.
19:30 Batukada.
21:00 Herri afaria. Saiheski errea.
24:00 Kontzertua: Honat. Gaupasa: DJ Oihan Vega.
Ekainak 21, larunbata
12:00 Kalejira txistulariekin.
13:00 Euskal dantzak Goi-Alde taldearekin.
13:00 Puzgarriak egunean zehar.
15:00 Herri bazkaria.
17:00 Mus txapelketa.
18:00 "Xaibor" disko festa.
24:00 Kontzertua: Izargi. Gaupasa: DJ Iñigo.
Ekainak 22, igandea
11:00 Kalejira txistulariekin.
11:00 Herriko gazteen lehen jaunartzea. Meza ostean herriko Musika Banda arituko da.
11:30 Beteranoen partida.
17:00 Herri kirolak.
18:00 Erromeria: Triskele.
20:00 Jaien amaiera.
Ostegun honetan, ekainak 19, emango diete hasiera Gorpuzti jaiei Erandio Landan; igandera arte luzatuko direnak. Horrenbestez, etzi izango dute lehenengo dantzaldia bertan bildutakoek, Akerbeltz taldearen eskutik. Izan ere, bertoko gaupasak ezagunak dira Uribe Kosta eskualde osoan eta Erandion; eta jende ugari biltzen da bertara, batez ere eguraldiak laguntzen badu. Aurretik, baina, txupina jaurti ostean, kalejira eta herri afaria egingo dituzte. Gainera, Gorpuzti Eguna izanik, meza, ohorezko aurreskua eta luncha izango dira eguerdian. Jaiak iraun bitartean zerbitzu bereziak (pdf) izango ditu Erandio! Busak. Hori horrela, bus zerbitzuak ordu bete gehiago iraungo du ostiralean, arratsaldeko ordutegian. Azken irteera, Astrabudutik eta Altzagatik 23:30ean izango da, udal iturriek adierazi dutenez. Bestalde, 04:00etatik 07:00etara, gaueko zerbitzua ere egongo da, ostiral eta larunbatean, Erandio Landatik Altzaga eta Astrabuduara bueltatzeko. Bitartean, Algortako Portu Zaharrean ekainaren 22an (igandea) ospatuko dute Gorpuzti Eguna. Argazkian, euskal dantzak Erandio Landako Gorpuzti jaietan / © Erandioko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun