Pasa den otsailaren 20an aurkeztu zuten Itzubaltzeta / Romon Uribe Kostako Podemos / Ahal Dugu, Europako hauteskundeetan lehiatzeko jaio berria zen Espainiako ezker hautagaitza parte-hartzailearen tokiko taldea. Hiru hilabetetan, eskualdeko bosgarren indar bilakatu zen, 4.096 boto eskuratuta. Egoera hori eta datorren urtean izango diren hauteskundeak mahai gainean izango dituzte gaur Uribe Kostako Ahal Dugu taldeak izango duen batzar irekian. Hitzordua Astrabuduako Josu Murueta kultur zentroko gela urdinean jarri dute, arratsaldeko 7etan. Kontu elektoralez gain, III Errepublika eta Euskal Errepublikaren aldeko mobilizazioak eta barne egitura ere hizpide izango dituzte, pasa den asteburuan Podemos-en Hiritarren Asanbladan izan baitziren Uribe Kostako taldearen ordezkariak. Argazkian, Hego Euskal Herriko Ahal Duguren ordezkarien agerraldia, erdian Xabier Benito Ziluaga Uribe Kostako taldeko kidea dagoela / © Ahal Dugu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun