EITBko Zuzendaritzak ohar bidez adierazi duenez, "Cuadrilla busca cita" saioa ez ematea erabaki du; gizarte eragile, sindikatu eta politikoekin hitz egin eta euren iritziak entzun ondoren. Hasiera batean, kritikei muzin egin eta programarekin jarraitzeko intentzioa zuela adierazi zuen telebista kate publikoak, beraien ustez saioak ez zuelako legerik urratzen. ETB2k igande gauean estreinatu zuen “Cuadrilla busca cita” telebista saioak zalaparta eragin du. #ETBnEdukiSexistarikEz traola azken 24 orduetako erabiliena izan zen euskaraz Twitter sare sozialean, Neska eta mutil talde bana etxe batean sartu zituzten lehen kapituluan. Bigarren hori Sopelako koadrila bat. Bada, EH Bildurenak ez ezik, egunotan PP eta PSE alderdien kritikak ere jaso ditu saioa, “berdintasunaren oinarriak urratzeagatik”. Horiek ere erretiratzeko eskatu diote EITBri, Bestalde, Euskal Herriko Mugimendu Feministak manifestazioa deitua zuen larunbatean eskari berarekin. Argazkian, Sopelako bi emakume gazte eraso sexisten kontrako pankarta alboan, artxiboko irudian.
Azken egunetan PP eta PSE alderdiek ere bat egin dute EH Bilduren eskaerarekin eta EITBri saioa ken dezala eskatu diote. Ekimena EITBko administrazio kontseiluaren hurrengo bileran eztabaidatuko zen, datorren asteartean, eta hiru alderdiek gehiengoa izango zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun