Aldi berean, jendea itsaso garbiaren beharrarekiko sentsibilizatzeko, "Marefondum" urpekari-elkarteko kideek eta EHUko "Erasmus Mundus Marine Environment and Resources" Nazioarteko Masterreko ikasleek murgilaldi bat egingo dute Plentzia-Gorlizeko badian. Ikertzaileak unibertsitateko itsas estaziora itzulita, bi jarduerak amaitutzat joko dira, eta laginak prozesatzen hasiko dira.
Informazio gehiago, web-orri honetan: http://oceansamplingday.org.
Ocean Sampling Day ekimenean parte hartuko du bihar Plentziako Itsas Estazioak
Udako solstizioarekin batera, mundu osoko 150 ikerketa-erakundek baino gehiagok indarrak batuko dituzte larunbat honetan, ekainak 21, planeta osoko itsasoetan ur-lagin biologikoak biltzeko, aldi berean. EHUren Plentziako Itsas Estazioaren (PiE) ekarpena Armintza parean itsaso zabalean hartutako lagin bat izango da, Unibertsitateko iturriek jakinarazi dutenez. Ekimen horren bidez, planetako itsas mikroorganismoen aniztasuna aztertu nahi dute, sekuentziazio genomikoko punta-puntako teknikak erabiliz. "Inoiz egun bakar batean egindako mikrobio-karakterizazio handiena da, eta, etorkizun hurbilean, mundu osoko itsas datuak gure ozeanoen biodibertsitatea eta funtzio mikrobianoa aztertzeko ikerketekin bateratzeko balioko du", azaldu dute. EHUko hainbat ikerketa-taldetako ikertzaileek goizeko 10etan abiatuko dira Plentziako portutik itsasontzi batean, eta eguerdiko 12etan, puntu-puntuan, jasoko dituzte laginak, itsas zabalean. Argazkian, Plentziako antzinako itsas sendategian dago Itsas Estazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun