Goizez honako maila hauetako partidak izango dira: aurre-miniak (9-10 urte), miniak (11-12 urte) eta infantilak (13-14 urte); arratsaldez, kadeteak (15-16 urte), juniorrak (17-18 urte), nagusiak (19tik gorakoak) eta "beti gazte" mailakoak (34 urtetik gorakoak). Adin guztietan emakumeek nahiz gizonek lehiatzeko aukera izango dute.
Nola parte hartu
Torneoan parte hartzeko gutxienez 3 eta gehienez ere 4 jokalariz osatutako taldeak izan beharko dira adinari dagozkion mailan, eta izena ondorengo webgunean eman daiteke: www.getxosaski.com. Talde bakoitzak 5 euro ordaindu beharko du (gehi txapelketaren amaieran itzuliko den 15 euroko fidantza) eta parte-hartzaile bakoitzari elastiko bat oparituko zaio “Hiruko bat sartu bidezko merkataritzaren alde” leloa duena.
Larunbat honetan, ekainak 21, 3x3 saskibaloi-txapelketa jokatuko dute Areetako Xake plazan. Espainiako Federazioarekin batera antolatu dute lehiaketa EAEkoak eta Bizkaikoak, udal iturriek aipatu dutenez, Getxo Saskibaloi Taldearekin batera. 3x3 Protour torneoa kirol hori sustatzeko ekintzen egutegiaren barnean dago, laster jokatuko den Munduko Saskibaloi Txapelketa dela-eta, Bilbo izango baita txapelketa horretako egoitzetako bat. 3x3 lehiaketa Getxo 2014ko Europako Kirol Hiria izendatu dutela ospatzeko ekitaldietako bat ere bada. Partidak 10:00etatik 21:00ak arte jokatuko dira sei kantxatan banatuta. Gainera, Getxo Saskibaloiak karpa bat jarriko du, eta bertan bidezko merkataritzako produktuak erakutsiko dira eta bertaratutako guztien artean hainbat sari zozkatuko. Argazkian, orain bi asteburu Street Culture jaialdia egin zuten Algortako kaleetan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun