Egitaraua:
Ekainak 21, larunbata
12:00 "Aux. J.F. Kennedy" zaharberritutako txaluparen erakusketa, Pedro Bilbao doktorea plazan.
18:00 Portuaren garbiketa.
Ekainak 22, igandea
10:00 Txalupei ongi etorria.
11:30 "Aux. J.F. Kennedy" txaluparen jaitsiera eta uretaratzea.
12:00 Nabigatzea portu aren inguruan.
12:00 Meza.
13:00 Biotz-Alai abesbatzaren emanaldia.
14:00 Sardina jana.
17:30 Portu Zaharretik Getxoko Kirol Portura zeharkaldia.
19:00 Los Txikis taldearen kontzertua.
20:00 Oroigarrien ematea txalupen jabeei eta amaiera.
Igande honetan, ekainak 22, Gorpuzti Eguneko jaia ospatuko dute Algortako Portu Zaharrean. Ohi bezala, zerupeko meza eguerdiko 12:00etan hasiko da, Etxetxu plazan. 13:00ak aldera, berriz, Biotz-Alai abesbatzak alaituko du giroa bertan eta, horren saioa amaitu eta gero, sardina jana hasiko da. Arratsaldean, 19:00etan, Los Txikis eskarmentu handiko taldeak amaiera emango dio jaiari. Baina, ohiko jarduerez gain, Itxas Egurra Haizean elkarteak ontzi klasikoen topaketa antolatu du. Horrenbestez, goizeko 10etan jarri dute ontziei ongi etorria emateko hitzordua Portu Zaharrean, ordu eta erdi beranduago edo, batuko zaizkie "Aux. J.F. Kennedy" zaharberritutako txalupa (bihar jarriko dute ikusgai 12:00etan Pedro Bilbao doktorea plazan eta igandean bertatik jaitsiko dute uretara). Arratsaldean, berriz, Getxoko Kirol Portura zeharkaldia egingo dute ontziek. Portua garbitu ere egingo dute bihar. Argazkian, Gorpuzti eguneko aurreko edizio bat Algortako Portu Zaharrean / © Algortako Portu Zaharra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun