Halere, Atutxaren ustez, erasoak zein protestak “ezker abertzaleak Euskadiko kutxen inguruan sortarazten ari den gizarte alarma areagotzeko egiten ari dira. Eta horrek guztiak bultzatu du iraganeko jarrera hauetara bueltatu izana”. BBBko buruak adierazitakoaren arabera, “Euskadik lasaitasuna behar du, egonkortasuna eta konfiantza behar du garapen ekonomikoaren alde lanean jarraitu ahal izateko. Ezker abertzalea ere esfortzu hori egitea espero dugu”.
Bestalde, EAJk “Euskadirentzako oso eraginkorra izan den” kutxa ereduen alde egin duela esan zuen jeltzaleak: “EAJ eredu horren alde izan da beti, eredu horren aldeko konpromisoa eta ardura erakutsi du beti”. “Legea beteko dugu baina sustraitzea mantenduko dugu eta Herriaren erakunde eta finantza harremanak mantenduko ditugu etorkizunera egokituz batera. Azken 35 urteetan egin dugunarekiko ez dugu inolako konplexurik eta etorkizunean egiten jarraituko dugula bermatzen dugu” gaineratu zuen.
Areetako Ondarreta batzokiaren 106. urteurrena ospatu zuten atzo, igandearekin, Itxaso Atutxa EAJren Bizkai Buru Batzarraren presidenteak ekitaldietan parte hartu zuela. Bide batez, Atutxak ospakizuna baliatu zuen Kutxabank-ek Artziniegan duen bulegoaren aurka larunbatean izandako erasoa salatu eta ezker abertzaleari galdetzeko euskal kutxak defendatzeko bere eredua zein den. Izan ere, “Kutxabankek azken asteotan jasotzen ari den erasoen aurrean, atzo Artziniegan eman zen bezalako erasoen aurrean” bere gaitzespena eman zuen jeltzaleak. Azken asteotan, Euskal Herria Bildu koalizioaren zein beste talde batzuetako hainbat kidek bulegoetan protestak egin dituzte, "pribatizazioa" salatzen dituzten kartelak jarriz eta errua EAJri botaz. Artziniegakoari buruz, Sortuk eta ELAk, salatu dute kutxazainak erretzea pribatizazioaren alde jokatzea dela. Argazkian, Areetako batzokiko patioan egindako ekitaldia / © EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun