Era berean, Segurtasun Sailak herritarrei aholkatu die suaren gainetik jauzirik ez egitea, batez ere alkohola edan eta gero. Jauziok edanda eginez gero, arrisku handiko egoerak eragin ditzakete.
Festa amaitu ostean, sua erabat itzalita dagoen egiaztatzea ere beharrezkoa dela azpimarratu dute. Azkenik, Segurtasun Sailak gogorarazi du 112 telefonoa beti dagoela prest edozein larrialdiri aurre egiteko.
Eusko Jaurlaritzako Segurtasun Sailak gaurko San Juan eguneko bezperako edo udako solstizio suekin kontuz ibiltzeko deia egin die herritarrei, beharrezko autobabes neurriak hartuz, suaren ondoriozko balizko istripuak saihesteko. Horrela, Segurtasun Sailak adierazi duenez, lehen gomendioa sua piztuko den lekuari buruzkoa da. Esaterako, suok zuhaiztietatik edo baratzeetatik aldenduta piztea gomendatu du Segurtasun Sailak, bai eta ibilgailu edo etxebizitzetatik 15 metro baino gehiagora piztea ere. Sua asfalto gainean eginez gero, egokiena metal lodiko xafla bat ipintzea da, asfaltoa babestu, eta kalte materialik ez eragiteko. Era berean, zura baino ez erabiltzea gomendatzen da, beti ere espraiak, plastikoak, pneumatikoak eta antzekoak baztertuta. Halaber, Euskalmet Meteorologiaren Euskal Agentziak haize zakarra iragartzen badu, surik ez egiteko eskatu du, sugarrak hedatu daitezkeelako. Ildo horretan, gaur, ekainak 23, ekaitzengatiko alerta horia aktibatuta dago, 00:00ak arte. Argazkian, Arrigunaga hondartzako sua artxiboko irudian / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun