"Algortako gertakari tamalgarriok berriz ere erakusten dute Bizkaiko Foru Aldundiaren axolagabekeria zenbaterainokoa den. Ezin dugu onartu Aldundia beste aldera begira geratzea. EH Bildutik eskakizun zuzena egiten diogu Aldundiari: Algortan etxetik kaleratua izan den familiarekin harremanetan jarri eta Aldundiak hutsik dituen etxebizitzen berri eman diezaiola, laguntza berehala eskaintzeko”.
Etxegabetzea ekiditeko asmoz Algortan bildu diren herritarren artean zegoen Maribi Ugarteburu EH Bilduko legebiltzarkidea. Ugarteburuk “lotsagarri” jo du Eusko Jaurlaritzaren jarrera. Gaineratu du, "Urkulluren Gobernuaren helburua egiaz pertsonak badira, publizitate kanpainetan dioen moduan, lehentasun gisa ezarri beharko luke etxebizitza eskubidearen bermea" eta "horretarako beharrezkoak diren inbertsio politiko eta ekonomikoak" egin beharko lituzkeela adierazi du. "Aldiz, gaur ikusi dugun inbertsio bakarra Ertzaintzaren dispositiboa izan da, eta ez preseski familia babesteko, etxerik gabe utzi dituzten lukurariak babesteko baizik” gaineratu du.
Aldundiari Algortan etxegabetutako familiari etxebizitza bat uzteko eskatu dio EH Bilduk
30.000 euroko zorrari aurre egiteko dituen zailtasunengatik, gaur Ertzaintzak Algortako Aldapa kaleko familia etxe-gabetu izana eta bertan gertatutakoak salatu ditu Euskal Herria Bildu koalizioak. Era berean, “pairatzen dugun gizarte eta ekonomia eredu krudelaren ondorio” dela adierazi du Irune Soto batzarkide taldeko bozeramaileak. Sotoren hitzetan, "bortizkeria bidegabe honek erantzule zuzenak ditu: ahalik eta irabazi handiena lortzea besterik bilatzen ez duten botere ekonomiko eta finantzieroa, eta beharrezkoak zaizkien konplize politikoak". Koalizioko bozeramailearen ustez, "guztiz asaldagarria da erakundeek gizarte drama honen aurrean duten jarrera”. Sotok salatu egin du familiak etxe-gabetzerako orduan EAJk Ertzaintza brigadak bidaltzeko erakusten duen prestutasuna eta, aldiz, Kutxabanken etxe-gabetzeak geldiarazteko neurririk ez hartzea. Hain zuzen, Bizkaiko Foru Aldundiak bere jabegoko 88 etxebizitza huts dituela onartu zuen atzo. Imanol Pradales Ekonomia Sustapenerako diputatuak eman zuen datu hori eta udalek eta Jaurlaritzak etxebizitzen eskaerarik ez dietela egin gaineratu zuen. EH Bilduk etxebizitza hutsak etxegabetuei errazteko ahaleginik ez egitea leporatu zion, goizean Aitor Torres Urresti batzarkideak salatu duenez. Argazkian, goizeko kaleratzea / © Maribi Ugarteburu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun