Izan ere, Getxoko Udaleko Gizarte Zerbitzuak Aldapa auzoko etxe-gabetutako familiarekin bildu dira, beren etxebizitzaren kontrako kaleratzeko agindua bete ondoren. Bileran, Udalak ostatua eta laguntza eskaini dizkio bere egoera eta egon daitezkeen aukera posibleak aztertzen dituzten bitartean. Horrela, Udalak senar-emazteak eta 28 eta 20 urteetako semeek osatutako familiari bere eskaintza berretsi dio, kasua ezagutu zuenean egin zuen bezala. Orduan ere, familiaren aldekoen artean polemika sortu zuen laguntza horren tamainak.
Bestalde, Getxoko Udalak dei bat egin die antzeko egoera jasateko arriskuan dauden familiei edo pertsonei, Gizarte Zerbitzuetara lehenbailehen jotzeko: "era horretan, laguntza ahalik eta lasterren bideratzen hasi ahal izango da, aipatutako egoeratara ez heltzeko", udal iturriek zabaldu dutenez.
Aldapako familiari "ostatua eta laguntza" eskaini dizkio Udalak behin-behinean
Gogor salatu dituzte gaur goizean Aldapako auzokideek Imanol Landa Getxoko alkatea eta udal mandatariak, bertatik kaleratuko zuten familia babesteko elkarretaratzetik ez agertzeagatik. Kritikak ere eragin ditu Sendiak elkarteak zabaldutako datua: Getxoko Gizarte Zerbitzuek familia osatzen duten lau partaideei gaurko gaua pentsio batean ematea besterik ez diela eskaini, alegia. Getxoko Udalak horren inguruko prentsa oharra kaleratu du, eta ez du Rosa de La Fuente Sendiaren eledunak esandako gezurtatu, bai aldiz erlatibizatu. Gauzak horrela, Udal Gobernuaren arabera etxe-gabetutako familiari "ostatua eta laguntza eskaini dizkio bere egoera eta aukera posibleak aztertzen dituzten bitartean". Argazkian, senideak besarkatuta eta negarrez, pasa den maiatzaren 13an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun