Ekimeneko kartela
Ahoztar Zelaieta ikerketa kazetariak "Tu intimidad en un click" tailerra emango du bihar, osteguna, Algortan. Ekimena Eztabaida gune antiautoritarioak antolatu du eta Algortako Villamonte plazako bere lokalean burutuko da, arratsaldeko 7:30ean. Ikastaroa erabat praktikoa izango da eta bertan norberaren datuak sarean erraztasunez zelan ikertu daitezkeen erakutsiko da, praktika horien biktima ez izateko saihesbideak erakusteko ondoren. Era berean, hiritarrek erakunde publikoengandik dugun informazioa jasotzeko eskubidea gauzatzeko hainbat teknika azalduko dira. Besteak beste honako hauek dira Zelaietak jorratuko dituen gaiak: Snowden eta Wikileaks-en filtrazioak eta datuekin egindako albiste zatiketak, esklusibak, scoop-ak (esklusibaren bat zatika ateratzea) eta horien gauzatzeko iragazleak; Ahaztua izateko eskubidea sarean; Informazioa eskuratzeko eskubidea, tartean agiri ofizialetan pertsonen identifikazioa; eta, azkenik, zabor-publizitatea eta dei komertzialen datu baseak. Argazkian, ordenagailuen web kamera kanpotik kontrolatzea ohiko bide bat da intimitatea urratzeko / cc-by-sa Courtney Carmody.
Ahoztar Zelaieta "Egin" egunkariko ikerketa taldeko kidea, "Ardi Beltza" aldizkariko editorea, "Kalegorria" aldizkariko erredaktorea eta Tas-Tas irratiko kolaboratzailea izan eta hamaika lanetan jardun ostean, "Jóvenes Burukides Bizkainos. Clientelismo y `fontanería' en el PNV" izenburuko liburua plazaratu zuen pasa den azaroan.
Ekimeneko kartela
Ekimeneko kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun