San Juan gauaren ospakizuna lasaitasun osoz igaro zen Getxo udalerrian, udal arduradunek adierazi dutenez. "Udaltzaingoak, Ertzaintzarekin elkarlanean, udalerriko hainbat gunetan ezarritako prebentzio zerbitzuak bere helburuak bete zituen berriro, istilurik ez zelako izan, era horretan jai honek dituen jai eta familia giroaren ezaugarriak berreskuratuz", azaldu dute agintari getxoztarrek. Udalerriko gune desberdinetan, horien artean Algortako Telletxe plazan, hondartzetan eta Getxoko Malakaten suak izan ziren eta horien inguruan jendea bildu zen. Ospakizunen ondoren, garbiketa zerbitzuek gauean lan egin zuten toki horiek garbitzeko, tartean Arrigunaga, Areetako eta Ereaga hondartzetan eta atzorako prest zeuden erabiltzeko. Argazkian, hainbat elkartek Algortako Telletxe plazan egin ohi duten San Juan sua, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun