Aktore ibilbidea nahiko sendotuta zeukala, Natalia Dicenta (Madril, 1962) musikaren munduan abiatu zen jazzaren eszenan 90eko hamarkadaren amaieran. Azken 14 urteetan eskaini dituen kontzertuak direla-eta, kritika espezializatuarengandik laudorioak jaso ditu.
Lehen lan diskografikoan, “Colours”, abeslariak erregistroen sorta zabala eskaintzen du, inspirazio iturriak erakusteko: swing, baladak, soula, bluesa, boleroak, rhythm&blues… Gershwin anaiengandik Lennon eta McCartneyrengana, Jerome Kernengandik Billy Joelengana, José Antonio Méndezengandik Lerner&Loewerengana.
“Colours” lanean askotariko errepertorioa dago, Vicente Borland piano-jotzaile eta konpositore panamarraren batuta jakintsuari eta dotoretasunari esker lotuta. Moldaketa bikainak sortzen ditu tema bakoitzaren unibertsoa erakusteko.
Talde Lehiaketa
Talde Lehiaketan, berriz, Massimax Project italiar-suediar hirukotea jardungo da. Taldea ipar Europako agertokietan hasi zen jotzen bandako piano-jotzailearen Simon Berggrenren konposizioak, betiere taldekide bakoitzaren musika interpretatzeko askatasuna errespetatuta.
Hirugarren Milurtekoa
Hirugarren Milurtekoa ataleko lehenengo saioan Juan Ortiz Qt.ariko da. Jazz klasikoaren eta abangoardistaren oinordekoa izanda, laukote honen helburu nagusia entzuleengan inpaktua eragitea da, soinu fresko eta berritzailearekin, hurrengo hauen eraginak dituela: Herbie Hancock, Esbojrn Svensson, Larry Young, Sly Stone, Stevie Wonder, Sonny Clark eta Uri Caine, besteak beste. Azkenik, eguneko musika eskaintza Natalia Dicenta amaitu ondoren Algortako The Piper’s Irish Pub tabernan izango de den jam saioaz borobilduko da. Horretan, Miguel Salvador Quartet jardungo da. Horrezaz gain, Satistegi kafetegian José Hornaren “Jazz for Two” argazki erakusketa ikus daiteke.
Getxoko Jazzaldiaren 38. ekitaldia abiatuko da asteazken honetan, uztailak 2, artista handiz eta talde gaztez beteriko programa eskainita. Lehenengo egunean Natalia Dicenta abeslaria izango da protagonista nagusia (Biotz Alai plazan, 22:00etan) eta beste bi saio ere egongo dira. Talde Lehiaketan Massimax Project banda ariko da (Biotz Alai plazan, 21:00etan) eta Juan Ortiz Qt. Hirugarren Milurtekoa atalean (Telletxe plazan, 19:00etan). Bestalde, igandean izango den Diego “El Cigala”-ren saiorako sarrerak agortu dira jada, Getxoko Kultur Etxeak jakinarazi duenez. Abeslaria flamenko-kantaririk ospetsuenetakoa bilakatu da eta Camarón de la Islaren oinordeko garrantzitsuenetakoa omen da. 2002an, eta Fernando Trueba errealizadoreak ekoitzita, Bebo Valdés piano-jotzailearekin batera “Lágrimas negras” grabatu zuen, jazzaren eta flamenkoaren arteko irudimenezko muga horretako disko klasiko handietako bat bihurtu da. Horrekin ospe handia lortu zuten eta izen handiko sariak irabazi zituzten, Grammy bat barne. Ostegunean, Jack DeJohnnete (1942, Chicago) bateria-jotzailea; ostiralean, Hiromir (1979, Hamamatsu; Japonia) piano-jotzailea; eta larunbatean, Michel Camilo (1954, Santo Domingo) musikagilea izango dira aurtengo Getxo Jazzaldiko gainontzeko izar handiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun