Alvaro Gonzalez Kirol zinegotziak gaineratu duenez, "erakargarritasun handiko" nazioarteko ekitaldi bat izango da, jende asko mugitzen duena, eta Getxo "skate munduaren erdigunean" jarriko duena. "Beraz, bertako ekonomiarako oso ondo etor daitekeela uste dugu", esan du.
Getxoren hautaketa duela bi urte baino gehiago hasi zen eratzen, bertako skater taldeak La Kanteraren 25. urteurrena ospatu zuenean, nazioarteko proba bat antolatzeak kirolean eta udalerrian bertan interesa piztuko lukeela uste baitzuten. Ideia gauzatu zen Chad Ford australiarra eta Kako bera eta Alain Goikoetxea elkartu zirenean, bata txapelketako arduradun nagusia eta Arrigunagako pista oso ondo ezagutzen duena, eta beste biak nazioartean sona handia duten patinatzaile getxoztarrak.
Australiarrak jakinarazi zien Europan egingo litzatekeen beste proba bat sartu nahi zutela zirkuituaren barnean, ordura arte hiru hiri sartzen ziren zirkuituan: Sidney, Wellington eta New York. Fordek berriro jo zuen Getxora udalerriak lehiaketa hartzeko baldintza guztiak betetzen zituela egiaztatzeko, eta Getxo Kirolak erakundeari Volcom Bowl-A-Rama irailean Arrigunagara ekartzeko proposamena berretsi zion.
Volcom Bowl-A-Rama skate zirkuitu profesionaleko probetako bat jokatuko da Getxon iraileko lehen astean. Arrigunagako La Kantera skatepark-a kirol horren munduko erdigune bihurtuko da, skater onenekin eta erakusketa, kontzertu eta skate kulturari lotutako era guztietako ekintzekin. Hitzorduari bukaera emateko, irailaren 6an Master eta Profesional mailetako lehiaketak jokatuko dira. Alvaro Gonzalez Kirol zinegotziak oso pozik jaso du ekitaldi horren baieztapena. "Getxoko kirolerako oso berezia den urte batean iritsi da, udalerria Europako Kirolaren Hiria 2014 izendatu den urtea baita, eta gazteen artean arrakasta handia duen modalitatea delako. Gazteak biztanleriaren funtsezko taldea izanik haiekin elkarlanean aritu behar dugu beren bizi ohituretan kirol jarduera sendotzen joan dadin", azaldu du tokiko agintariak. Bestalde, Kako skater getxotarrak adierazi du tamaina honetako ekitaldi bat Getxora iristea lortu dela udalerrian dagoen tradizio handiagatik eta nazioartean La Kantera skatepark guneak duen ospe handiagatik, neurri handi batean. "Volcom Bowl-A-Rama Getxo jai handia izango da, topagunea, aintzatespena jasotzeko gunea eta kirol hau maite dugunon protagonismoari garrantzia emateko esparru ezin egokiagoa", adierazi du. Argazkian, hainbat lagun La Kanteran patinatzen / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun