Enpresa, saltoki eta profesionalentzako diru-laguntzak
Horretarako 174.000 euro aurreikusi dira eta kontratuak 2014ko azaroaren 30era arteko egin beharko dira, 6 hilabeteko edo iraupen luzeagoarekin eta 2015eko otsailaren 28rako 3 hilabeteko edo iraupen luzeagoarekin.
Itzuli beharrik gabeko laguntza 3.000 eurokoa izango da gutxienez 3 hilabeteko edo gehiagoko kontratuetarako lanaldi osoan, eta 4.500 euroraino igoko da kolektibo berezietako pertsonak kontratatzen badira (Diru-sarrerak Bermatzeko Errentaren hartzaileak, lehen enplegua duten 35 urtez azpiko pertsonak edota Lanbiden gutxienez 12 hilabetez izena emanda egon diren pertsonak kontratatu aurreko 18 hilabetetan).
Lanaldi osorako gutxienez 6 hilabeteko edo gehiagoko kontratuetarako 6.000 euroko laguntza finkatzen da eta 9.000 euroraino igo ahalko da goian aipatutako kolektibo bereziak kontratatzen badira. Deialdi honetan gehienez ere 42 kontratu lagunduko dira diruz, 11 kontratu 6 hilabete edo gehiagokoak izango dira eta 31, 3 hilabete edo gehiagokoak.
Laguntza horietan interesa duten enpresei eskatuko zaie kontratazioak enpresaren plantillan gehikuntza garbia ekar dezan, kontratatutako pertsonak lanean hasi aurretiko 3 hilabeteetan enpresan zegoen batez besteko plantilla guztiaren aldean; gainera, kontratazioarekin lortutako plantillaren bolumen berria gutxienez eman beharreko diru-laguntzaren zenbatekoa erabakitzen duen aldia amaitu arte mantentzea.
Gizarteratzeko enpresentzako diru-laguntzak
Deialdirako 75.000 euro zuzenduko dira, 2014ko azaroaren 30erako, 6 hilabeteko edo iraupen luzeagoko kontratuetarako (lan jardunaldi osoa).
Enpresa horiek langabezian edo Diru-sarrerak Bermatzeko Errentaren hartzaileak diren udalerriko pertsonak kontratatu beharko dituzte edo kolektibo zehatz batekoak direnak (35 urteko edo gutxiagoko langabeak, 45 urtetik gorakoak eta gutxienez 6 hilabetez Lanbiden izena emanda dutenak kontratatu aurreko 18 hilabetetan, iraupen luzeko langabeak, gizarte-bazterketa arriskuan daudenak, desgaitasuna duten pertsonak, familia-erantzukizunak dituzten emakumeak edo genero-indarkeriaren biktimak diren emakumeak). Gainera, deialdi honetan, kontratazioak ez du ekarriko egiturazko zereginen zerbitzura dagoen pertsonala ordeztea eta toki-esparruan erabilera publiko edo interes sozialeko jarduera bat egiteko izan behar du.
Horretarako, kontratazioaren xede den proiektua zehaztu beharko da eta hark Getxoko Udalaren oniritzia jaso behar du eta korporazioak ezarritako esparruen barnean izan, esparru horiek honako hauek izanik: azpiegiturak berritzea, IKTak kudeaketa-sistemen hobekuntzari aplikatzea, ekonomia berdea eta merkataritza-ikerketa sustatzea. Itzulik beharrik gabeko laguntza 12.500 eurokoa izango da gehienez ere lanaldi osoko 6 hilabeteko edo gehiagoko kontratuetarako. Deialdi honetan 6 kontratu diruz lagunduko dira gehienez ere.
Kontratazioak egiteko diru-laguntzak eskatzeko epea zabalik Getxoko enpresentzat
Lanbide zerbitzuaren enplegua sustatzeko tokiko jardueren deialdiaren barruan, Udalak Getxo udalerrian kokatutako enpresei zuzendutako diru-laguntzen bi deialdi kaleratu ditu. Langabezian dauden 48 getxoztar kontratatzeko zuzenduko dira horiek. Bi deialdi horietan Lanbiden izena emanda duten pertsonak kontratatzea beharrezkoa izango da, udal iturriek zehaztu dutenez. Lehenengoa enpresa, saltoki eta profesionalei zuzenduta dago, baita Getxoko beste entitate batzuei ere. Bigarren deialdia, berriz, zailtasun handiak dituzten pertsonak laneratzeko eta gizarteratzeko lan egiten ari diren enpresa zein etekinik asmorik gabeko entitateentzat da. Orotara, 249.000 euro zuzenduko ditu Udalak. 3.000 eta 12.500 euro artekoak izango dira baldintzak, kontratuaren arabera. Bi deialdietarako eskaerak Getxoko Herritarren Arretarako Bulegoetan aurkeztu ahal izango dira. Informazioa Getxolanen eska daiteke, 944 660 140 telefono zenbakian edo getxolan[abildua]getxo.net helbidean. Bi deialdien baldintzak eta eskaerak egiteko inprimakiak www.getxo.net/getxolanen kontsulta daitezke. Argazkian, Leioako Udala ere kontrataziorako diru-laguntzak eskaintzen ari zaizkie herriko enpresei / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun