Nerabea zela, Txekiar Orkestra Filarmonikoan sartu zen. Bostongo Berklee College Of Music ikastetxe ospetsuan Ahmad Jamal irakasle entzutetsuarekin aritu zen, eta ondoren, kontratu bat sinatu zuen Telarc jazz diskoetxearekin eta ibilbide arrakastatsua hasi zuen 2003an.
Nazioarteko ibilbidearen lehen urratsetatik, pianista japoniarra hirukotean aritu da, hasieran Mitch Cohn baxu jotzailearekin eta Dave DiCenso bateriarekin, eta 2004tik, Tony Gray eta Martin Valihorarekin. "Voice" diskoaren grabazioan debuta egin zuen The Trio Project taldearekin, eta horrekin arituko da ostiral honetan Getxon, Anthony Jackson (baxua) eta Simon Phillips (bateria) musikariekin, alegia. Lehenengoak fusioaren ikuspegi bikaina du, eta bigarrena, estilo progresiboaren erakuslea da.
Besten saioak
Hiromi japoniarraren emanaldiarekin batera, Getxo Jazz jaialdiko ostiraleko egitarauan beste zenbait saio izango dira. Horrela, Talde Lehiaketan Lukas Gabric Group arituko da, Austriako eta Hungariako musikariak biltzen ditu laukotea.
New Yorken elkar ezagutu zuten 2013an eta bertako zenbait lokaletan aritu dira. Bere ikuspegi artistikoa tradizioa sakon ezagutzean eta berrikuntzarako eta interakziorako borondatea izatean datza. Emanaldia Biotz Alai plazan izango da, 21:00etatik aurrera.
Halaber, Hirugarren Milurtekoa atalak ¡Zas! Trio taldearen saioa eskainiko du. Hirukotea 2009an sortu zen, eta Espainiako jazzaren hiru musikari handik osatzen dute. Errepertorioan haien konposizio propioak dituzte, estetika irekikoak, post-free eta jazzaren joera berriekin bat etorriz. Hirukoteak folklorearen eta musika garaikidearen eragina ere badu.
Azkenik, ostiraleko eskaintza osatzeko, Algortako The Piper's Irish Pub tabernan izaten diren jam session saioaz gozatu ahal izango da, Hiromiren kontzertua amaitu ondoren.
Getxoko 38. Jazzaldia erdialdera iritsiko da ostiral honetan, uztailaren 4an, eta eguneko egitarauan Hiromi pianistaren saioa nabarmentzen da, "jazz fusion" deritzon eszenaren artista nagusienetako batena, hain zuzen ere. Artista japoniarra Algortako Biotz Alai plazan arituko da, 22:00etatik aurrera. Ordubete lehenago, Talde Lehiaketako hirugarren finalista izango da agertoki berean, Lukas Gabric Group. Eta ostiraleko egitaraua borobiltzeko, Hirugarren Milurtekoa atalean, ¡Zas! Trio hirukote madrildarra izango da protagonista, Telletxe plazan, 19:00etan, Getxoko Kultur Etxeak jakinarazi duenez. Teknika aparta eta energiaz betetako saioei esker, Hiromi (1979, Hamamatsu, Japonia) egungo jazz fusio estiloaren izen handienetako bat bihurtu da. Bere konposizioetan, jazz erritmo, rock progresibo, musika klasiko eta fusio soinuaren ñabardurak bateratzen ditu. Argazkian, Getxoko Jazzaldiko kontzertu bat artxiboko irudian / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun