Paul Healy australiarra Getxo Artea Rugby Taldearen entrenatzailea izango da datorren denboraldian. Eskarmentu handiko prestatzailea da errugbi munduan eta Espainiako Ohorezko Maila ezagutzen du 2011-2012ko denboraldian Ordizia taldearen aulkian egon baitzen, talde hori-beltzaren iturriek nabarmendu dutenez. Klub gipuzkoarrarekin Errege Kopa irabazi zuen eta Ligako finalera heldu zen, baina galdu egin zuen. Paul Healy Bryce Bevinen ordez helduko da Fadurako lehen taldearen aulkira, baina gogoratu dezagun Zelanda berriko entrenatzaileak denboraldiaren erdian hartu behar izan zuela taldea Todd Dammers australiarrak bere herrialdera itzuli behar izan zuelako senide baten gaixotasunarengatik. Paul Healyren azken taldea Errumaniako ligako CSM Bucaresti izan da, eta Ordiziara heldu baino lehen Frantziako Top 14 ligan aritu zen Pariseko Stade Francais taldean. Gainera, 2003an lehiatu zen Munduko Txapelketan Uruguaiko selekzioarekin. Bere jatorrizko herrialdean, Northern Terrytory Institute of Sport of Darwin eskolan lan egin zuen jokalariak prestatzen. Argazkian, Paul Healy / © Getxo Rugby Taldea.
Galeseko Swansea taldearen aulkian ere egon da eta Australiako Queensland Rugby Union, Brothers Rugby Club, Queensland Premier Rugby, Barbarians eta University of Queensland Rugby Club taldeetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun