Getxoko taldeko hautatzaileak David Movilla eta Miguel Ángel Roggero izango dira. Haiek jokalarien zerrenda osatzen ari dira eta bertan udalerriko klubetako ordezkaritza zabala izango da. Athleticentzat, berriz, taldeko berrikuntzak aurkezteko aukera izango da Austriara abiatu aurretik; Europako herrialde horretan bere prestaketarekin jarraituko du datorren denboraldiari begira.
Sarrerak aurretik eros daitezke
Sarrerak 10 euro balioko du eta 18 urtetik beherakoek doan sartu ahalko dira zelaira. Sarrerak aurrez erosteko sistema ezarri da eta honako leku hauetan eskuratu ahalko dira: Algortan, Fadura kiroldegiko bulegoetan, Kantxa Kirol Modan, Garai kafetegian, Barbarella Café-an eta Goikoa tabernan ; eta Itzubaltzeta / Romo-Areetan, Gobela kiroldegiko bulegoetan eta kafetegian zein Arenas Club, La Mona eta Galea tabernetan. Gainerako sarrerak partida jokatuko den arratsaldean bertan jarriko dira salgai zelaiko leihatiletan.
Getxo udalerriko futbol taldeetako jokalariek osatutako selekzio batek Athleticen aurka jokatuko du uztailaren 12an, larunbata, 19:00etan, Algortako Fadura kiroldegiko futbol zelaian. Talde zuri-gorriak Getxo Kirolak udal erakundeeak egindako gonbidapena onartu zuen udalerria Europako Kirolaren Hiria 2014 izendatu dutela-eta, adierazi dute tokiko iturriek. Hala, denboraldi aurreko lehen norgehiagoka Getxon izango du Athleticek. Bestalde, Athletic Club Goikoa Ander Herrera lagunartekoak Beñat Mardarasen aldeko ongintzazko zozketa egingo du, partidaren atsedenaldian. Beñat Algortako ume bat da, bihotzeko gaitz bat pairatzen duena. Hori dela eta, Bostongo Children ospitalean ebakuntza egin behar diote. Zozketarako txartelak Getxoko ostalaritza eta merkataritza hainbat establezimendutan har daitezke (beste udalerri batzuetako establezimenduez gain) eta saria Athletic Clubeko lehen taldeko jokalariek eman eta sinatutako elastikoa eta baloia izango da. Argazkian, hainbat zaletu zurigorri.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun