Getxoko 38. Jazzaldia erdialdera iritsiko da gaur, ostiralarekin. Hala ere, dagoeneko agortu egin dira kontzertu guztietarako sarrerak, Getxoko Kultur Etxeak jakinarazi duenez. Igandean izango den Diego “El Cigala”-ren saiorako txartelak jaialdia hasi baino lehen ere amaituta zeuden. Tartean, gaur, Hiromi piano-jotzaile japoniarra, eta bihar, Michel Camilo musikagile latinoa igoko dira Biotz Alaiko agertokira, 22:00etan. Gaur, ordubete lehenago, Talde Lehiaketako hirugarren finalista izango da agertoki berean, Lukas Gabric Group. Eta ostiraleko egitaraua borobiltzeko, Hirugarren Milurtekoa atalean, ¡Zas! Trio hirukote madrildarra izango da protagonista, Telletxe plazan, 19:00etan. Azkenik, The Piper's Irish Pub tabernan izaten diren jam session saioaz gozatu ahal izango da, Hiromiren kontzertua amaitu ondoren. Argazkian, Diego “El Cigala”-k itxiko du aurtengo Getxoko Jazzaldia igandea / cc-by Ajuntament de Vilanova i la Geltrú.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun