Biharamunean, ostegunean, Jack DeJohnette, jazz fusion estiloaren bateria-jotzaile handia izan zen protagonista eta jazzaldiaren erdialdean Hiromi piano-jotzaile japoniarraren hirukoteak Biotz Alai plaza bete egin zuen. Azken bi jardunaldietan Michel Camilo piano-jotzaileak eta Diego "el Cigala" flamenko kantariak borobildu zuten aurtengo eskaintza eta beren kontzertuetarako sarrerak agortzea lortu zuten.
Talde Lehiaketa
Aurten ere, talde gazteek garrantzi handiko lekua izan dute Algortan. Talde Lehiaketa horren erakusle izan da eta horretan Europa osoko taldeak parte hartu dute. Lehiaketako finalean Errusia eta Alemaniako Ylativ Algo Quintetek irabazi zuen lehengo saria, Liya Grigoryan Trioren aurretik. Lukas Gabric saxo-jotzailea izendatu zuten bakarlari onena bai epaimahaiak bai zaleek. Azken horiek Lukas Gabric Groupi eman zioten publikoaren saria.
Hirugarren Milurtekoa sailean ere eskaintza anitza izan da. Bertan Juan Ortiz Qt., David Pastor&Nu Roots eta Artur Tuznik banda gazteak aritu dira, eta baita eskarmentu handiko taldeak ere, esaterako ¡Zas Trio! eta The Groove Investigators Qt.
Ohi bezala, kontzertu nagusiak amaitu eta gero, jam session saioak izan dira Algortako The Piper's Irish Pub-en. Azkenik, Satistegi kafean José Horna "Jazz for Two" izeneko argazki erakusketa ikusgai egongo da uztailaren 20era arte.
Datorren urtera arte esan zuen agur atzo Getxoko 38. Nazioarteko Jazzaldiak, musika zaleak asebete utzita. Pasa den asteazkenean abiatu zenetik eta bost egunez, 12.000 lagun bildu ditu Algortan jaialdiaren 38. edizioak. Antolatzaileek azpimarratu dutenez, "kalitatea eta aniztasuna izan dira nagusi" eta "harrera ezin hobea" egin zioten zaleek aurtengo eskaintzari. Ohi bezala, Talde Lehiaketako banda gazteen eta ospe handiko artisten aldeko apustua egin da Getxon eta saio nagusietako hiru kontzertutarako sarrerak agortu ziren. Izar handien egitarauak ikusmin handia sortu zuen zaleen artean eta ez du kale egin. Natalia Dicenta abeslariak zabaldu zuen jazzaldia Fran Sinatra, Bilie Joel, Cole Porter Nat King Cole eta beste artista handien abestien moldaketekin. Argazkian, Hiromi piano-jotzaile japoniarra ostegunean aritu zen / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun