Ostiralari txapela jartzeko, XXVII. futbito txapelketaren finala jokatuko dute eta Akerbeltz taldearen erromeria egongo da.
Uztailaren 12ko ekitaldi garrantzitsuenetako bat Urgitxieta plazan egingo den herri-bazkaria izango da (txartelak Ugari supermerkatuan, Zutarri edo Irubide tabernetan erosi beharko dira aldez aurretik). Umeek menu berezia izango dute, eta parte-hartzaileek etxetik sardexka eta edalontzia eraman beharko dute. Bazkariaren ondoren animazioa egongo da.
Gauean, jaietako kontzertu entzutetsuenetako bat izango da, Willis Drumond talde ezagunarekin, eta Arma Masiva talde lokalarekin. Jaietako kartel musikala honakoek osatuko dute: Niña Coyote y Chico Tornado, Arcada Social eta New York Ska Jazz.
Kanpaldi familiarra
San Pedro jaietan bezala, Karmen jaietan ere umeek makina bat ekintza izango dituzte eskura: puzgarriak, ludoteka, tailerrak, cart zirkuitua, karaokea, tiragoma txapelketa, bitsa festa, skate tailerra, zezen mekanikoa... Baina aurtengo berri nagusia Kanpaldi familiarra izango da. Uztailaren 15ean 21:00etan egingo da, Iberrota plazan, eta parte-hartzaileek kanpin-denda etxetik ekarri beharko dute. Gauez ipuin kontalaria egongo da.
Jaietan modu aktiboan parte hartu gura dutenek ere hamaika jarduera izango dituzte: playback txapelketa, dantza parte-hartzaileak, marmitako txapelketa, pintxo txapelketa, eta abar.
Sopelako jaiak 2014 (pdf)
Sopelan jaiek ez dute etenik. San Pedro jaien "arrakastaren" ostean, oraingoan Larrabasterrako Karmen jaien txanda helduko da. Uztailaren 11tik 16ra bitartean, Larrabasterran gustu eta adin guztietarako jarduerak egongo dira, baina beste behin ere osagai nagusia auzokideen parte-hartzea izango da, Udalak nabarmendu duenez. "Sopelako Jai Batzordeak (Udal, elkarte, koadrila eta norbanakoez osatutakoa) esfortzu berezia egin du jaietako ezaugarririk herrikoienak bultzatzeko, batik bat sopeloztarren parte hartze aktiboa helburu duten ekintzei begira", azaldu dute tokiko agintariek. Bigarren urtez, jaiek pregoia eta itsasoko izakien kalejira izango dute (karramarroak, surflariak, turistak, marrazoak, eta abar). Kalejira 19:00etan irtengo da Urgitxieta plazatik, eta parte-hartzaileek mozorroa etxetik eraman beharko dute. Ardoa Barrura fanfarreak bazterrak girotuko ditu, eta 20:30ean txupinazoaren txanda helduko da Urgitxieta plazan. Sopela Kantari talde sortu berriak botako du txupina, eta horren ostean tabernaz taberna herriko pandero-joleekin batera poteoa egingo dute. Hala ere, eskualdeko beste hainbat txokotan izango dira jaiak hurrengo egunetan. Besteak beste, Plentzian ere Karmen Eguna ospatuko dute. Baita Neguri Langilen ere, hilaren 11tik 13ra. Erandioko Goierri auzoan, berriz, San Kristobal jaiak izango dira 10etik 13ra. Argazkian, txupina noiz botako zain daude Larrabasterran / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun