Uztailaren 22ra arte zabalik egongo da Itzubaltzeta / Romoko Gobelaurre Boluntariotza Zentroko lokalen doako erabilpena lortu ahal izateko eskaerak aurkezteko epea, Getxoko Udalak jakinarazi duenez. Deialdiaren helburua Gizarte Zerbitzuetan lan egiten duten eta beren lana udalerrian burutzen duten entitateei laguntzea da, tokiko arduradunek aipatu dutenez, kasu honetan beren jarduera aurrera eramateko lokala uztearen bitartez. Gobelaurre zentroak 463 metro koadroko azalera du eta egoitzetarako tokiak (12), aldi baterako jardueretarako espazioak (tailerrak, prestakuntza-ikastaroak…) eta noizbehinkako jardueretarako (jardunaldiak, bilerak…) ere baditu. Libre dauden egoitzak, aldi baterako jardueretarako espazioak edo noizbehinkako jardueretarako eskatu nahi dituztenek beren eskaera udalerriko HABetan, Gizarte Zerbitzuek Algortako Urgull kalean duten egoitzan, 08:00etatik 14:00etara, edo legeak aurreikusitako tokietan aurkeztu beharko dute. Argazkian, Gobelaurre Boluntariotza Zentroa / © Getxoko Udala.
Aipatutako tokien erabileraren emakida eskatzeko hurrengo baldintzak bete beharko dituzte entitateek: izaera juridiko propioa izatea, etekin asmorik gabekoak, Getxoko Udalean edota Eusko Jaurlaritzan erregistratuta egotea, zerga-betebeharren betearazpenean egunean egotea, izaera sozialeko helburuak eta egitura ireki eta parte-hartzailea edukitzea eta jarduera nagusia Getxotik eta Getxorako eraman behar izatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun