Sailkatutako lanak
• PortukOhiturak (Maria Gorostiola).
• Txipi2 (Noelia Varona Rodríguez).
• Kukurruku Kukaña (Maddi Gallastegi Llanos).
• Divino (Eduardo Larrea “El Divino Karolo”).
• Mundutxo (Jon Mendizabal).
• Aura (César Otxaita).
Bozkagai diren lanak, argazkitan
Algortako Portu Zaharrak jaiak ospatuko ditu abuztuaren 12tik 16ra. Festak ahalik eta hobeak izateko eta eredu herrikoi, parte-hartzaile, parekide eta euskalduna sustatzeko asmoz makina bat lan egiten dihardu bertako jai batzordeak, tartean horren erakusgarri izango den aurtengo jaietako kartela aukeratzeko prozesua. Lehiaketa deitu eta 16 sortzailek erantzun zioten erronkari, 19 lan aurkeztu zituztela. Epaimahaiak 6 kartel aukeratu eta ikusgai jarri ditu Portu Zaharra tabernan, auzokideek azter ditzaten. Etzi, ostegunean, aurtengo kartela erabakitzeko herri bozketa burutuko dute, Portu Zaharreko Etxetxun, lan finalistak bertan kokatuko dituztela. Goizeko 12etan zabalduko dute ez ohiko hauteskunde mahaia eta arratsaldeko 8ak arte botoa eman ahal izango du nahi duen pertsona orok. Mahaia itxita, ordu bat hartuko du jai batzordeak botoen kontaketa egiteko eta ondoren sari banaketari ekingo dio, arratsaldeko 9etatik aurrera. Argazkian, Laurita Siles Ceballos Portu Zaharrean bertokotu den artista malagarrak irabazi zuen iaz, "Itxaso ederra" kartela dela medio.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun