Horrelakoak zailtzeko, hau proposatzen da:
- Itxi aldamioetatik sartzeko moduko leihoak eta pertsianak.
- Itxi aldamioetatik sartzeko moduko eskaileretako leihoak.
- Erretiratu aldamioetatik ikus daitezkeen baliozko objektuak.
- Saiatu segurtasun-neurridun aldamioak instalatzen.
Lapurretak ez dira udan bakarrik gertatzen
Datuek diotenaren arabera, etxeetan gertatzen diren lapurreten %40 udan izaten dira, lapurrek aprobetxatzen baitute jabeak ez daudela erosoago ibiltzeko. Horrexegatik, Udalak ohartarazi nahi izan ditu herritarrak, eta jarraibideen bitartez, halako gertaerak ekiditeko modu fidagarrienak erakutsi.
Hala ere, Udalak garbi utzi nahi du lapurreta hauek ez direla bakarrik udan gertatzen, edozein arotan gerta daitezke. Hori dela-eta, egunero aintzat hartu beharreko aholku batzuk ematen ditu:
- Ez utzi giltzak lanpasaren azpian edo ezkutatuta.
- Erantzun atezain automatikoari deitzen duten bakoitzean.
- Itxi beti giltzarekin etxetik irtetean.
- Deitu Udaltzaingoari gure ataritik zokomiran dabiltzan pertsona susmagarriak ikusiz gero.
Etxebizitzetan lapurretak saihesteko gomendioak eman ditu Leioako Udaltzaingoak
Leioako Udaltzaingoak etxeetan, batez ere udan, ematen diren lapurretak saihesteko aholkuak biltzen dituen orria banatu du aurten ere. Gertaera desatsegin hauek ekiditeko, postontzi guztietan utzi dute oporretan joan baino lehenagorako aholkuak eta jarraibideak biltzen dituen liburuxka, tokiko arduradunen aipatu dutenez. Aholkuen artean, ondokoak agertzen dira: lagun edo auzoko bati esan, noizean behin, posta jaso eta leihoak irekitzeko, etxean norbait dagoela irudikatzeko; edo zorua eta ate nagusiaren artean tarterik ez dagoela egiaztatu lapurrek palankarik erabili ahal ez izateko. Foileto horren bidez, "leioaztarrek oporrak eta etxea prestatu ahal izango dituzte lasai asko atera ahal izateko kanpora", diote Udaletik. Gainera, lapurretarik gertatuko balitz, paperean azaldu egiten dizkigute jarraitu beharreko pausuak, Udaltzaingoaren eta SOS Deien telefonoak barne. Bitartean, arreta berezia izan beharko dute fatxadan aldamioak instalatuta dituzten leioaztarrek. Eraikinetan aldamioak instalatzen dituztenean, gaizkileek etxebizitzetara igotzeko aprobetxatzen dute, eta haietan harrapatzen dituzten baliozko objektuak lapurtu. Argazkian, udaltzainak lanean / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun