Sopelako Udaltzaingoak gizon bat atxilotu zuen atzo, uztailak 18, 12:00etan, adingabeei ekintza lizunak egin zizkielakoan. 45 urteko J.M.C.M. gizonezkoak ez da udalerrian bizi, tokiko iturriek zabaldu dutenez. Azken egunetan, Sopelako hainbat herritarrek salaketak egin dituzte aipatu ekintzez ohartaraziz. Lehenengo salaketa hilaren 15ean izan zen, udal arduradunen arabera. Herenegun, hilak 17, beste hiru salaketa egin ziren, eta bertan gizon batek adingabeei ekintza lizunak egin zizkiela salatzen zen. Sopelako Udaltzaingoak operatibo berezi bat abiatu zuen ustezko erasotzailea atxilotzeko asmoz. Adingabe batzuek identifikatu ostean (udaltzaingoaren laguntzaz), gizona atxilotu zuten eta epaileen esku dago. Atxilotuak egotzitakoak onartu ditu eta antzeko ekintzengatik aurrekariak ditu, Sopelako Udalak adierazi duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun