Lehenengo kontzertua irailaren 25ean izango da, osteguna, Long boards rock taldearen eskutik. Kontzertua “Surf Plaza” ekimenaren barruan ospatuko da, eta kontzertuaren ostean hainbat DJ izango dira, surfaren historiarekin harremana duen musika jartzen.
Ostiral eta larunbatean kontzertu nagusiak egingo dira. Irailaren 26an honako taldeek joko dute: Yellog Big Machine, Zea Mays eta Belako. Larunbatean, bere aldetik, Smile, Los Coronas, Amparo Sanchez (Amparanoia) eta Clarisse. Igandean, azkenik, Gibelurdinek taldea izango da, bertso-saio oso berezi baten ostean.
Sopela Kosta Fest jaialdi berria irailaren 24tik 28ra arte ospatuko da Uribe Kostako aipatu udalerrian, eta osagai nagusietako bat musika izango da, naturaren babesa eta surfarekin batera. Lau egunetan zehar, sopeloztarrek eta bisitariek hamaika ekitaldiz gozatzeko aukera izango dute, gune bi ezberdinetan: udaletxe plazan eta hondartza inguruan. Kontzertuak Udalak udaletxe plazan jarriko duen karpan ospatuko dira eta, tokiko agintariek aurreratu dutenez, honako taldeek parte hartuko dute: Zea Mays, Belako, Amparo Sánchez (Amparanoia), Los Coronas, Smile, Yellow Big Machine, Belako, Clarisse, Gibelurdinek, The Longboards eta hainbat DJ. "Musika eskaintza zabala, publiko eta gustu ezberdinei zuzendua, baina surf-kutsu handiarekin", nabarmendu dute Sopelako Udaletik. Argazkian, Zea Mays / cc-by-nc-nd Igor Zalbidea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun