Bitartean, “Magia en el cielo” izeneko ikuskizun piroteknikoa dela eta, Pirotecnia Zaragozanaren eskutik, ostegunean, uztailak 31, 22:00etatik aurrera, Ereaga hondartzako sarbidean ibilgailuen eta oinezkoen trafikoa moztuko da, Kirol Portuko eta Txomintxu sarbideko biribilguneen artean, Getxoko Udalak jakinarazi duenez. Egun guztian zehar biribilgune horien aparkaleku guneetan ere eragina izango dute su artifizialen segurtasun guneak direlako. Ikuskizuna 23:00etan hasiko da.
Algortako San Inazio jaiak 2014 (pdf)
Algorta, Areeta eta Itzubaltzeta / Romoko ostalaritza establezimenduek ohi baino ordu bat eta erdi beranduago zarratzeko baimena izango dute, bakoitzak dagokion jai-eremuan. Uztailaren 30etik abuztuaren 2ra luzatuko diren San Inazio jaiak izango dira Getxoko Udal Gobernuaren dekretua aplikatuko diren lehenak. Horren arabera, ostiral, larunbat eta jai-bezperan, lehenengo taldeko saltokiek (dastalekuak, izozki-dendak, txurro-dendak...) 02:30ak arte zabaldu ahal izango dute. Bigarren taldekoek (tabernak...) 04:30 arte, eta hirugarren taldekoek (pubak...) 06:00ak arte. Gainontzeko egunei dagokienez, 1. taldekoek 01:00 arte zabalduko dute; 2. taldekoek 03:00ak arte eta 3. taldekoek, 04:30 arte. Bien bitartean, terrazetan ohiko ordutegia izango da, 09:00etatik 23:00ak arte, baina ostiral eta jai-bezpera egunean ordubetez luzatu ahalko dute zarratzeko ordua (gauerdira arte) eta udaldian (irailaren 30era arte) 01:00etara. Txosnen ordutegiari dagokionez, zuzeneko musika 03:00etan amaituko da jai-bezperan eta 01:30ean astegun bezperan; musika, oro har, 05:00etan amaituko da jai-bezperan, 01:30ean jaietako azken egunean, eta 03:30ean gainontzeko egunetan. Txosnak musika kendu eta ordubetera itxiko dituzte. Argazkian, Sonia Lopez Iturregik jarri dio irudia Algortako San Inazio jaiei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun