Uztailaren 31n, zirkuituaren ibilbidean egonik, txirrindularientzako arriskua ekar dezaketen ibilgailuak alboratu edo kendu egingo dituzte.
06:00etan zirkulaziorako itxita geratuko da Arriluzeko Moila, baimendutako ibilgailuendako izan ezik. 08:00etatik aurrera, ibilgailuen trafikoa galarazita egongo da Alango kalean, Foruen kalea eta Martikoena artean, Antolakuntzako eta talde parte-hartzaileen ibilgailuek galtzada erdian aparka dezaten. 09:00etatik aurrera, lasterketaren norabidean bakarrik baimenduko zaie pasatzen ibilgailuei. Iturgitxi Estratan, behin-behinekoz aldatuko dira hainbat seinaleztapen eta Fadura eta Autobiako Zubiaren artean, aldi baterako seinaleztapenak jarriko dira. Tarte hori izango da Faduratik aurrera Makaleta Etorbidean, lasterketaren aurkako norabidean, zirkulatu ezin duten ibilgailuendako bide alternatiboa.
Villamonte plazaren eta Bolue kalearen arteko zatia ere trafikorako itxita egongo da. Bolue kaletik Algortara ere ezin izango da igo. Ibilgailuak Arene kaletik desbideratuko dituzte, Makaleta Etorbideranzko bide alternatibo gisa. Etorbide horretan, bidegorriaren kontra dagoen erreia erabili ahal izango da trafikoa aparkalekura eta Estratara desbideratzeko.
Lasterketa lau orduz
Txirrindulari lasterketa 09:30ean hasiko da. 13:30 aldera, lasterketa amaitzea espero den orduan, Foruen kalerako sarbidea itxita egongo da Helmugako atea guztiz desmuntatu arte.
Getxoko Udalak arren eskatu du herritarren kolaborazioa, segurtasun neurri hauen ezarpena ahalbidetzeko. Herritarren kolaborazioarekin, sor daitezkeen eragozpenak murriztuko dira; Udalak barkamena eskatu du eragozpen horiengatik.
Zirkuituak eragina izango duen kaleak eta autobusaren ibilbidearen aldaketak: www.puntagalea.com.
Punta Galea Txirrindularitza elkarteak uztailaren 31rako antolatutako Getxoko 69. Zirkuitua, Ricardo Otxoaren Oroimenezko 14. Txirrindulari Lasterketa dela eta, Getxoko Udaltzaingoak uztailaren 30 eta 31n trafiko dispositibo berezia jarriko du martxan. Horrela, asteazkeneko 08:00etatik aurrera Helmugako Zubia muntatzen hasiko dira Foruen kalean, Justizia Jauregiaren parean. Patruila batek erregulatuko du trafikoa lanek irauten duten bitartean, Arkotxa kalearekiko bidegurutzean Martikoena kalera desbideratuz trafikoa. Gainera, etengabe kontrolatuko da, ibilgailuek ez dezaten Foruen kalean aparkatu. Halaber, udaltzainek zintekin seinaleztatuko dituzte hainbat kale, lasterketaren egunean aparkatzeak saihesteko, hala nola, Telletxe kalea, Jaime Morera kalearekiko bidegurutzetik BM supermerkaturaino; Gobelaurren, Santa Eugenia kalearekiko bidegurutzean (Galicia tabernaren zona eta inguruak) eta Ereagako jaitsiera. Argazkian, lasterketa iraun artean preso eta iheslarien eskubideen aldeko kontzentrazioa egin ohi dute eguerdian Telletxen / cc-by Algortara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun