Beste alde batetik, Algortako Jai Batzordeak iragarri duenez, abuztuaren 2ko (15:00etan) koadrila bazkaria, euria egitekotan, Zabala eskoletan izango da. Azkenik, egun horretan, 18:00etan, Xake partida irekiak izango dira Getxo Xake Taldearen eskutik Mario Gómez maisu handiarekin batera, bi aldiz espainiako txapelduna eta euskal jokalaririk onena dena. 40 jokalari amateurren aurka jokatuko du agertzen doazen ordenean. Aurkari onenarentzat saria.
Bitartean, egun horretan, 22:00etan, Kasinon emanaldia eskainiko duen Arotza Moso abeslariari barkamenak eskatu dizkio jai batzordeak, jaien liburuxkan "Arotza Mozo taldea" jartzeagatik.
San Inazio jaiak Algortan (pdf)
San Inazio jaiak (pdf) hastear daudela egitarauan izandako hainbat aldaketen berri eman du Algortako Jai Batzordeak. Besteak beste, uztailaren 31ko 18:00etarako Bihotz Alain iragarritako Bizkaiko lasto altxatze txapelketa orduz eta lekuz aldatu dute: 12:30ean izango da, San Nikolas plazan. Hori bai, arratsaldez mantenduko dituzte herri kirol erakustaldia eta umeentzako herri kirol jolasak. Bestalde, Beñat Mardaras larri gaixo dagoen Algortako umearen aldeko hainbat ekitaldi hartuko ditu festa-programak. Batetik, bihar bertan, ekialdeko dantzen erakustaldia izango Anjum Raks Al Haia taldea, Vainarama Bilbao (Tahiti) eta Boni-ren (Castro) eskutik, Telletxen, 19:30ean. Bildutako dirua Benati ebakuntza egiteko izango da. Bestalde, ostiralean, abuztuak 1, 18:30etik aurrera, sardina-jana herrikoia egongo da Unai taberna ondoan, Tangora pazan, Beñat Bihotzez elkarteak antolatuta. Argazkian, Sonia Lopez Iturregik jarri dio irudia Algortako San Inazio jaiei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun