Ohi bezala, azoka 10:00etan hasi zen baina, ordu hori baino lehenago, lehenengo bisitariek gain-begirada ematen hasi ziren eguneko lehenengo erakusketak egiteko asmotan. Handik ordubetera, erosleek azokaren bi salmenta guneak bete egin zituzten. 14:00etara arte, etengabe egin ziren salmentak. Bestalde, bertoko trikitilari taldeei eta aurten jarri ziren hiru txosnei esker, jai giroa nagusi izan zen azokan. Hau guztia, eta goizean izan zen eguraldi ona ezinbestekoak izan ziren giro itzela lortzeko.
Produktuen aniztasuna eta kalitatea izan dira aurten ere San Lorentzo Azokaren ezaugarri nagusiak, Getxoko Kultur Etxearen arabera. Barazkiak, txerrikiak eta ahatekiak, lekaleak, txakolina, euskal pastela, tradiziozko okintza, gozokiak, landareak eta loreak, gaztak, eztia eta beste hainbeste produktuak egon ziren salgai merkatuan. Ohikoa denez Euskal Herri osotik etorritako ekoizleek agon ziren Algortan bere salgaiekin.
19.000 lagun egon dira aurten Algortako San Lorentzo azokan, Getxoko Kultur Etxeak emandako datuen arabera. Bisitariek igandeko jaiaz eta baserri produktuez gozatzeko aukera izan zuten merkatuan, 54 ekoizleen 60 saltoki bildu zituena. Iaz bezala, postuak Biotz Alai eta San Nikolas plazetan banatu ziten. Urtero moduan, amaiera ezin hobea eman zion egunari Biotz Alai abesbatzak 22:00etan izen bereko plazan eskainitako saioan. Eguerdian ekoizle askok espero zuten momentua ailegatu zen, epaimahaiak barazki, landare eta gazta lehiaketen emaitzak jakinarazi baitzituen. Aurten, barazki lehiaketan, Urdulizko Adela Andikoetxeak irabazi zuen. Landare lehiaketari dagokionez, Gatikako Nekane López Cora (Floresdecolores saltokia) atera zen garaile. Azkenik, gazta lehiaketan, Markina-Xemeingo Florencio eta Igor Txurrukaren Barroeta gazta saltokia nagusitu zen. Argazkia: © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun