Abuztuaren 28an, ostegunarekin, La Plaza tabernan 19:00etan hasita, tabernaz-taberna herri osoan ibiliko da Kantagunea. Gauerdian, ordea, Tea Party DJ-ak jarriko du musika txosnetan.
Abuztuaren 29an, ostiralarekin, herri bazkaria egingo dute. Apuntatzeko orria (10 euro) La plaza tabernan egongo da, hilaren 27ra arte. Bazkari goxoa prestatzeko animatuz gero, goizeko 10etan aurreko taberna berdinean lotu dira. Arratsaldean, berriz, Larrain dantza izango da metro inguruan, 20:30ean. Eta, gauean, txosnetan En Tol Sarmiento taldearen kontzertua eta Garilak 26 erromeria izango dituzte.
Bertsoak eta ur gerra
San Agustin jaien azken txanpara helduta, larunbatean, arratsaldeko 8etan, Maialen Lujanbio, Beñat Gaztelumendi, Aitor Sarriegi eta Jone Uriaren bertsoak izango dituzte gozagarri Irailaren 23a plazara hurbiltzen direnek. Geroago, txosnetan, Kauta, Governors eta Izargi taldeek eskainiko dituzte kontzertuak, gauez.
Azkenik, igandean, abuztuak 31, ur gerra galanta izango da Santi Brouard plazan, 13:00etan hasita. Ondoren, arratsaldeko 7etan, Erdizka Lauetan plaza dantza taldea izango da. Ekitaldi horietan zein gainontzekoetan parte hartzeko, jantzi zuri-urdina jartzera deitu dituzte herritarrak euskara elkartekoek.
Uda borbor dagoela, abuztuaren 27tik 31ra ospatuko dira San Agustin jaiak Altzagan. Aurten ere, Berbots Erandion Euskaraz elkarteko kideek plan ederra proposatu diete tokiko zein gertuko euskaldun eta euskaltzaleei. Hasteko, jaien lehenengo egunean, asteazkenean, berbots-bazkaria egingo dute. Ohi bezala, La Plaza tabernako arkupean egingo dute. Aipatu establezimenduan egongo da izena emateko aukera (10 euro), hilaren 24ra arte, igandea. Hantxe ere jarri dute hitzordua bazkari egunean, 11:00etan, den-dena prestatzeko. Bazkal ostean, berriz, Hegoaize folk taldea ere izango da eurekin, ahaztu barik 13:00etan plazan txupinazoa izango dela. Bestalde, arratsaldez, 21:00ak aldera, parrillada ederra egingo dute txosna gunean eta, ordu bete beranduago, "bertso-ring"-a. Argazkian, Kantagunea Altzagan barrena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun