Bere obrak literaltasuna erabiltzen du, nahita, artearen munduaren eta gizartean duen paperaren gaineko hausnarketa planteatzeko. Berehalakotasun sendo batetik, metahizkuntza darabil legitimatze instituzionalen prozesuak zalantzan jartzeko eta ironiaz hitz egiteko euren diskurtso hegemonikoez eta etengabe krisian dagoen gizarteak islatzen duen hauskortasunaz. Irudien izaeraz eta gero eta lausoagoa den irudi erreal eta fikziozkoen arteko mugaz ere hausnartu nahi du.
Alberto Albor
Alberto Albor (Burgos, 1977) Bilbon lan egiten du eta bizi da. EHUn lizentziatua da, Arte Ederretan, eta Artean ikertu eta Sortzean titulatua. 2004an, Juan Uslék zuzendutako tailerrean parte hartu zuen, Santanderreko Marcelino Botín Fundazioan. Bi urte beranduago, sortze artistikoko Juan Otaola eta Perez de Saracho beka lortu zuen, eta horri esker, 2007an, Deliverance erakusketa antolatu zuen Basauriko (Bizkaia) Ariz dorrean.
2008an, bekadun egoiliar izan zen BilbaoArte Fundazioan, eta urtebete beranduago, bertan, "El miedo acaba con el sueño" erakusketa egin zuen. Gainera, Bilbao Arte Newyorken erakusketa kolektiboan ere parte hartu zuen, The Gabarron Foundation-Carriage House Center for the Arts New York-en izan zena. 2010ean, Bizkaiko Foru Aldundiaren sortze beka lortu zuen, eta bere proiektua, Spoiler, Bilboko Errekalde Aretoko Kabinete Abstraktuan egon zen ikusgai.
Iranzu Antona
Iranzu Antona (Iruña, 1979) EHUn lizentziatua da, Arte Ederretan. Gaur egun, bertan ari da ikerketa burutze doktorego programa baten barruan. Tailer askotan parte hartu du, azkenengoen artean, hauexek: "Falsos márgenes: mucho ruido y pocas nueces", Txuspo Poyok koordinatua, BilbaoArte Fundazioan (2010); eta "Organigrama", Ibon Aranberrirena, Bartzelonako Tàpies Fundazioan (2011). Egoiliar plaza lortu zuen BilbaoArten, 2009an, eta ArteLekun 2005ean, Donostian.
Iruñeko Artista Gazteen saria irabazi zuen 2007an, Iruñeko Udalak antolatua, eta Nafarroako Gobernuko eta Bizkaiko Foru Aldundiko bekak jaso ditu. Duela gutxi, Café Dossier-II Convocatoria de visionado de portafolios-en hautatua izan da, Espainiako Gobernuko Hezkuntza, Kultura eta Kirol Ministeriokoa.
Irailaren 28ra arte Kultur Leioan izango da Bosteko 2014 erakusketa ibiltaria eta ondoren Basauri, Zornotza, Arrigorriaga eta Getxon (abenduaren 9tik 28ra Algortako Torrene erakustaretoan) izango da. Bostekok, euskal artista plastiko ezagunen lana zabaldu eta ezagutaraztea helburu du, aurten Alberto Albor, Irantzu Antona eta Kepa Garrazaren lanekin. 1979an jaiotako berangoztarra dugu azken hori. Garraza erakusketekin hasi zen 2004an. Zenbait sari eta deialdi irabazi ondoren, bere lanak ekoiztu eta erakusteko aukera izan zuen Estatuko eta nazioarteko hainbat zirkuitutan. Ordutik, banakako erakusketak izan ditu Rekalde Aretoan eta Madril, Bilbo, Dusseldorf edo Rotterdameko zenbait galeriatan. Espainiako eta nazioarteko bilduma pribatuez aparte, bere lanak Artiumen, Madrileko Erkidegoan edo Arte Garaikideko Patio Herreriano Museoan aurki ditzakegu. Argazkian, atzo aurkeztu zuten Bosteko 14 erakusketa Rekalde aretoan / © Bizkaiko Foru Aldundia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun