Proiektu erraldoiak lursailak salduz finantzatu nahi izatea egotzi diote Getxoko Udalari
"Aurretik Getxoko Kortiñe kaleko lursailekin egin bezala", oraingo honetan Udal Gobernuak Aixerrota inguruko bi partzela salmentan jarri izana gaitzetsi du Getxoko PPk. Udalak berak iragarri du "Aixerrota-50 eremuan kokatutako 21-II eta 21-III lursailak lehiaketaren bidez (prozedura irekia) besterentzeko" asmoa, "etxebizitza askean eraikitzeko", lizitazioaren oinarrizko aurrekontua 1.445.051,77 euro direla. "EAJren helburu bakarra da bere proiektu erraldoiak, Romo Kultur Etxea eta Algortako Getxo Antzokia, finantzatu ahal izateko bideratzeko diru-sarrerak lortzea", salatu du Marisa Arrue tokiko popularren bozeramaileak, Eduardo Andrade zinegotziarekin batera bi orubeen alboan gaur emandako prentsaurrekoan. Alderdi Popularraren ustez, babes ofizialeko etxebizitzak eraikitzera bideratu beharko litzateke diru hori. Argazkian, Arrue eta Andrade gaurko prentsaurrekoan / © Getxoko PP.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun