Aipatu egunean, goizeko lehen orduan, jabea dendan bakarrik zegoela bi emakume sartu zitzaizkion dendara eta, salgai bat eskatu ondoren, ezustean sartu ziren erakusmahaiaren beste aldera, biktimari bultza egin zioten eta dena arakatu zuten dirua aurkitu zuten arte. Laster batean utzi zuten gero saltokia.
Segurtasun Sailak dioenez, salaketa ikertu ondoren, egileak nortzuk ziren jakin ahal izan zuen Ertzaintzak, eta atxilotzeko eskakizun bat zabaldu zen haien kontra. Atzo goizean, asteazkena, patruila batek ustezko lapurrak identifikatu zituen Bilbon, epaitegien inguruan, eta atxilotu egin zituen larderiaz lapurreta egin izana egotzita.
Ertzaintzak 20 urteko gizonezkoa atxilotu zuten atzo, asteazkena, Getxo udalerriko trasteleku batetik goizaldean desagertutako bizikleta bat lapurtu izana egotzita. Eusko Jaurlaritzaren Segurtasun Sailak zabaldutakoaren arabera, salaketa jaso ostean abiarazitako ikerketan, arratsaldeko lehen orduan iragarki bat aurkitu zuten Interneten ertzainek, non halako bizikleta bat 350 eurotan salgai ipinia baitzen. Saltzailearekin hitzordua egin zuten ertzainek, eta egiaztatu zuten goizaldean bertan lapurtutakoa zela. Horrenbestez, agenteek gaztea atxilotu zuten, indarbidezko lapurreta-delitu bat egin izana egotzita. Bestalde, Segurtasun Sailak adierazi duenez, delitu-aurrekariak dituzten 26 eta 21 urteko bi emakume atxilotu zituzten atzo Bilbon, Leioan irailaren 4an saltoki batean larderiaz egindako lapurreta egotzita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun