Borja Semper Gipuzkoako PPren presidenteak maiatzaren bukaeran iragarritakoaren haritik, Carlos Iturgaiz Angulo areetarra Europako Batasuneko Legebiltzarrera itzuliko da, nahiz eta azken hauteskundeetan ez zuen eserlekurik lortu. Horixe bera zabaldu du Eitb.com-ek. Semperrek orain hiru hilabete pasatxo esandakoaren ildotik, Miguel Arias Cañete Energia eta Klimaren aldeko Ekintzako komisario izendatu dute. Nekazaritza ministro ohia izan zen maiatzaren 25eko Europako hauteskundeetan PPko hautagaitzako buru, eta eurodiputatu karguari uko egingo dio, Europako Batzordean sartzeko, asteazken honetan iragarri den moduan. Bozetan PPk 4.074.363 boto eta 16 diputatu lortu zituen Estatu mailan, babes eta ordezkaritzaren herena bidean galduta. Iturgaizek 17. postua lortu zuen, eserlekua galduz. EAEko PPko presidente ohia orain Cañetek libre utzi duen eserlekua hartzen lehena izango da. Argazkian, Carlos Iturgaiz maiatzaren 25ean Areetako hizkuntz eskolan bozkatzen / © EAEko PP.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun