Ekintza horiek lana bilatzeko oinarrizko gaitasunak lantzen diren beste ekintzekin osatzen dira. Besteak beste, informazio eta komunikazioaren teknologiak (IKT) dira horietako bat, "gaur egun informazioa sarean dagoelako, informazio hori eskuratzeko gai izan behar dugulako eta gure beharren arabera erabili", Leioako Behargintzatik aipatu dutenez. Zentzu horretan, oso oinarrizko mailatik abiatzen diren tailerrak eskaintzen dituzte: alfabetatze informatikotik, IT Txartelak egiaztatzeko ekintzetara edo programa bulegotikoak.. Hori guztia, partaideen eta euren beharren arabera.
Bigarren arloa tresnei dagokiena da. Lan bila ari den edonork maneiatu behar dituen gaitasunak enplegagarritasuna hobetzeko . "Arlo honetan, partaideen beharretara egokituko gara baita ere, honako gai hauek landuz: CV, aurkezpen gutuna, psikoteknikoak, bideo bidezko curriculumak edo enplegurako web baliabideak", azaldu dutenez.
Azkenik, negozio ideiak sortzeko tailerrak nabarmendu dituzte, ekintzailetza sustatzeko estrategiaren barruan. "Ekintzailetzak lan bilaketa edo hobekuntza esparrua zabaltzen du, aktibitate edo negozio propioa sortzera bideratzen gaituelako. Aukera ez da bakarrik besteen kontura lan egitea", amaitu dutenez.
Leioako Udalak duen sustapen ekonomikorako estrategiaren barruan, aurten ere, Leioako Behargintzak prestakuntza eskaintza berria atera du, hurrengo udara arte iraungo duena. "Gaurkoa bezalako momentuan, langabezia ardura nagusia denean leioaztar askorentzat, uste dugu ikasketa iraunkorra ezinbestekoa dela gizabanakoentzat, baita eskubidea ere. Halaber, bizitzan zehar gaitasunak hobetzeak bermatu egiten du norberaren errealizazioa, gizartean parte hartzea eta etengabeko eboluzioan dagoen lan-munduan arrakasta izatea", azaldu dute tokiko arduradunek. Enplegu bila edo enplegua hobetzen saiatzen ari diren pertsonen gaitasunak hobetzeak duen garrantzia azpimarratuz, 26 prestakuntza ekintza desberdin (pdf) diseinatu dituzte formatu ezberdinekin, "non partaideak paper aktiboa daukan eta edukiak elkarrekin sortzeko ardurarekin hasieratik". Udalerriko enpresa eta pertsonen eskaerari so eginik, hiru ikastaro eskainiko dituzte, osasun, merkataritza eta digital arloan. Horrela, zerbitzuen sektorean detektatu den eskaerari erantzuten saiatuko dira. Izena emateko epea zabalik da. Horretarako Behargintza Leioako bulegoetara jotzeko aukera dago (08:30etik 13:30era, Mendibile 3 helbidean), edo behargintza[abildua]leioa.net posta elektronikora idatziz. Argazkian, Leioako Behargintza / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun