Biharamunean, larunbatean, Mar Neus abeslariaren taldea ariko da. Gironako artista honek taberna-kantuaren ohiko interpretatzen ditu; habanerak, boleroak, balsak eta baladak, besteak beste. Bere saioetan bidaia musikal egiten du Katalunian hasita eta Kuban amaitu, tartean Argentinatik eta Txiletik igarota. Hori guztia, gainera, taberna-kantu tradizionalaren desberdinak diren soinu, instrumentazio, konponketa eta ikuspegiaz baliatuta.
Igandean, irailak 14, amaiera ezin hobea izango du jaialdiak Ondarreta abesbatzaren eskutik; eskarmentu handiko taldea, han zuzen ere. Aurten abesbatzak itsas abesti eta habanera errepertorio zabala eskainiko du. Iñaki Morenok zuzenduta, abesbatzak Lupe López Castillo piano-jotzailearekin eta Isabel Urbina, Anabel Hernández eta Ramón Uriarte bakarlariekin jardungo da.
Itsas Azoka
Kontzertuez gain, aurten bisitariek Itsas Azokaz gozatzeko aukera izango dute. Besteak beste, Algortako Geltokia plazan itsaskiak, bakailaoa eta kontserbak erosi ahal izango dira. Azokaren ordutegia honako hau izango da: 17:00etatik 22:00etara.
Habanerak eta itsas doinuak izango dira protagonista nagusi Areetan bihar hasita eta igandera arte, Getxoko 28. Habanera Jaialdiaren eskutik. Aurten Peix Fregit eta Neus Mar Grup Kataluniako taldeak eta Ondarreta abesbatza areetarra jardungo dira Areetako Xake plazan. Saio guztiak 19:30ean hasiko dira eta sarrera doakoa izango da. Halaber, jaialdia dela eta, itsasoko produktuen azoka egongo da. Jaialdia Peix Fregit taldearen eskutik abiatuko da bihar. Gironako talde hau osaketa klasikoa duen habanera hirukotea da: ahotsa, gitarra eta akordeoia. 1974. urtean sortu zen taldea eta ordutik hona hainbat saio eskaini ditu Espainian zein atzerrian eta habanera jaialdi eta "cantada" garrantzitsuenetan parte hartu du, Getxoko Kultur Etxeak nabarmendu duenez. Argazkian, Ondarreta abesbatza areetarra izango da tokiko ordezkaria / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun