Astearte honetan, hilak 16, Araututako Aparkamenduaren Zerbitzuaren (OTA-TAO izenez ezagutzen dena) Zerga-Ordenantzaren aldaketa indarrean sartuko da eta ondorioz, bihartik aurrera, 15 minutu baino iraupen laburragoko aparkaldiak doakoak izango dira, behar den tiketa atera ondoren. Getxoko Udalak azaldu duenez, makinan matrikula-zenbakia sartu eta egiaztatu ondoren, gidariek ordu laurden izango dute doanik aparkatzeko. "Tarte horretan egonda, behar den denbora areagotu ahal izango da, baina 15 minutu igarotzen badira aparkatzeko epea luzatu gabe, toki horretan berriro aparkatu ahal izateko ordu bat itxaron beharko da edo gunez aldatu", zehaztu dutenez. 15 minutu baino egotaldi luzeagoetarako indarrean dauden tarifak mantenduko dira, hau da, 30 minutura arte 0,25 euro; ordu bat 0,65 euro; ordu bat eta erdi 1,25 euro eta lau ordu eta erdi 5,85 euro, batzuk aipatze arren.
Udal iturriek gogoratu dutenez, aparkatzea baimentzeko txartelaren urteko egoiliarrentzako kuota 48,15 eurokoa da. Egoiliarrek egiaztatzen dituzten aldakengatik, ibilgailua aldatzeagatik edo beste arrazoi batzuengatik txartelaren aldaketagatik 4,50 euro ordaindu beharko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun