Horiez gain, HABEren eta EGA azterketak prestatzeko, autoikaskuntza, eta oinarrizko klaseak ere egiteko aukera ematen dute. Aurreko urteotan bezala, etorkinentzako eta dendarientzako oinarrizko ikastaroak ere izango dira. Eskaintza borobiltzeko, 6 eta 16 urte bitartekoentzat euskara eskolak emango ditu Uztarri euskaltegiak.
Klasean ikasitakoa praktikan jarri ahal izateko jarduera ugari ere antolatzen dira udalerrian, horien artean berbalaguna (euskara praktikatu eta euskaraz bizi nahi duten pertsonak harremanetan jartzen ditu) eta gurasolaguna (eskola eta familiaren esparruetan), Egizu Getxo Euskaldun elkartearen eskutik. "Horiekin etxean zein kalean euskara presente egotea bermatzen lagundu nahi da”, gehitu du zinegotziak. Jarduera horien artean une honetan euskararen edo euskaltegien aldeko esaldi batekin selfi bat bidaltzen dutenek Euskaltelek emandako sakelako telefono baten lehiaketan parte hartzeko aukera izango dute (whatsapp-a 688 856 168 zenbakira bidaliz).
Udal laguntzen epea amaituta
Izena emateko epea udal euskaltegian irailaren 25ean amaituko da eta gainontzeko euskaltegietan irailaren 30ean. Udalak gogoratu du euskara ikasteko diru-laguntzak ematen dituela. Baina, zehaztu duenez, "une honetan eskatzeko epea amaitu da eta 2015eko oinarriak onartzen direnean, horien berri zabalduko du Udalak". Matrikulazio kanpainari buruzko informazio zabala www.getxo.net udal web gunean dago.
Irailean zehar zabalik egongo da Getxo udalerriko euskaltegietan ikasturte berrirako matrikula egiteko epea, Udalak jakinarazi duenez. Euskara ikasi eta hobetu nahi dutenek aukera zabala izango dute aurtengo ikasturtean, ohiko ikastaroekin batera, guztion beharrak eta nahiak asebetetzeko klase mota ugariren eskaintza izango baitute getxotarrek, hala nola, modulu txikiak, HABEren mailak prestatzeko, autoikaskuntza, tituluak ateratzeko, ikasteko presiorik gabe plazer hutsagatik ikasteko eta abar. Urtero bezala, dendarirentzako eta etorkinentzako ikastaroak ere izango dira. Pertsona nagusien euskalduntze prozesua sustatzeko eta euskararen erabiltzera zabaltzeko helburuarekin, "Eman izena Getxoko euskaltegietan" lelopean, udalerriko euskaltegiek eskaintzen duten barietate zabalaren bitartez getxotar guztiek beren erara eta beharretara egokituta ikasi ahal izatea ahalbideratu nahi dute. "Ahal den neurrian, euskara ezagutzea, hurbiltzea eta ikastea erraztea da asmoa eta zeregin horretan euskaltegiek lan handia egin dezakete oraindik”, adierazi du Koldo Iturbe Euskara zinegotziak. Horrela, Udal Euskaltegiak, Lauaxeta AEK euskaltegiak eta J.A. Agirre Euskaltegiak, ikastaroen arabera, egunean bost, lau edo bi klase orduko ikastaroak eskaintzen dituzte, edo astean, lau, bost edo sei klase orduko tailerrak ere. Argazkian, Jose Antonio Agirre euskaltegia / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun