Bekadunek egin beharreko lana errazteko jasotzaileak izango direnak hautatu ostean prestakuntza ikastaro txikia, bi ordukoa, eskainiko zaie. Beti izango da derrigorrezko baldintza kudeatu behar den panel hori dagoen lokal horretako ohiko erabiltzailea izatea, edo panela dagoen zentro horretan inskribatuta egotea (ikastetxeen kasuan). Halaber, beharrezkoa da urte hau bukatu aurretik 14 urte betetzea.
Oinarriak webgunean (pdf) zein Gazte Informazio Bulegoan eskura daitezke. Era berean, eskabideak udaletxean, zein Getxo, Areeta eta Algortako Herritarrentzako Arreta Bulegoetan aurkez daitezke.
Getxoko Udal Gazteria Zerbitzuak bederatzi beka emango ditu udalerrian zehar barreiaturik dauden beste hainbeste gazte informaziorako udal panelez edo guneez arduratzeko. Ikasturte honetarako aukeratutako bekadunek honako hezkuntza, kultur eta kirol zentroez arduratu beharko dira: Fadura eta Andra Mari kiroldegiak, Villamonteko kultur etxea, Fadura, Getxo I eta Aixerrota institutuak, San Nikolas Ikastola, Azkorri ikastetxea eta Areetako Musika Eskola. Bekadunek honako zereginak izango dituzte: bederatzi edo hamar hilabetez, Gazteentzako Informazio Bulegoak astero emango dizkion enplegua, prestakuntza, aisialdiko eskaintza, bekak, iragarkiak edo bestelako informazio eta material berriekin panelak elikatu eta “antena” lana egitea, Gazteria Zerbitzuarentzat interesgarriak izan daitezkeen informazioak eta proposamenak antzematen. Beka bakoitzak 445 eta 665 euro artekoa izango da. Interesatuek hilaren 22tik 26ra aurkeztu ahal izango dute eskaera. Beka pertsona bakarrarentzat zein, horrela izanez gero, biren artean partekatua. Argazkian, iazko 9 bekadunetako batzuk / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun