Esan bezala, zirkulazioaren atxikipen nagusiak igande honetan izango dira, I. Skoda Triathlon Series Getxo probarekin. Kale ugari itxiko dituzte ibilgailuentzat, 09:00etatik 12:00etara. Ereaga epizentroa izango duen triatloi herrikoi horren barruan dagoen txirrindulari probak, batez ere, "ikutuko" dituen kale eta tokiak, honako hauek dira: Ereagako jaitsiera, Algortako Etorbidea, Mariandresena, Telletxe, Aingeruaren Etorbidea, Gustavo Adolfo Becquer, Gabriel Ramos Uranga, Ormaza, Sarrikobaso, Salsidu, Bolue, Euskal Herria, Txakursolo, Udaberria, Makaleta, Asua-La Avanzada errepidea, Zugatzarte eta Marina de Castilla.
Halaber, lasterketako proba desberdinen eraginez ere, sarbideak murriztuta egongo dira Arriluze-Ereaga-Portu Zaharra gunean, 08:00etatik 13:30era. Horregatik guztiagatik, Udalak auzotarrei laguntza eta eragozpenak barkatzeko eskatu die.
Getxoko Udaltzaingoak neurri bereziak hartuko ditu ibilgailuen zirkulazioa antolatzeko, asteburuan zehar udalerrian egingo diren hiru atletismo lasterketengatik, proba horiek normaltasun osoz egin daitezen eta kirolarien segurtasuna bermatze aldera. Zirkulazioaren atxikipen nagusiak igande honetan, hilak 21, izango dira, I. Skoda Triathlon Series Getxo egingo baita. Hori dela eta, udalerriko hainbat kale itxiko dituzte ibilgailuentzat, 09:00etatik 12:00etara. Gainontzeko bi proba atletikoak larunbatean izango dira Algorta eta Areetan. Izan ere, Getxoko VIII. Milia korritzeko, bidea itxi egingo da autoentzat Algortako Telletxe kalean, 11:00etatik 13:15era. Eta Areetan IV. Bizkaia Zubia Herri Lasterketa jokatuko da, eta hori dela eta, 10:30etik 12:30era bitartean ezin izango dute autoek ibili Evaristo Churruca, Zugatzarte eta Areetako etorbidetik. Azkenik, gogoratu igandean, Areetako erdigunerako bideak itxita egongo direla ibilgailuentzat, 08:00etatik 20:00etara, ohiko Autorik Gabeko Eguna ospatzeko, Mugikortasunaren Astea dela eta antolatutako jardueren barruan. Argazkian, haurrentzako jarduerak Autorik Gabeko Egunean Areetan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun