Getxoko Udalak gizonentzako "Maskulinitatea birpentsatzen" tailerraren beste edizio bat antolatu du. Helburua "maskulinitatearen identitateei buruzko gogoeta egitea da, nola sortzen diren eta beren ondorioak eta baita gure gizartean gizonak izateko erakusten den erak beste pertsonekiko harremanetan eta eguneroko bizitzako aspektu batzuetan duen eraginari buruzkoa ere", tokiko iturriek azaldu dutenez. Ekimena urriaren 6tik azaroaren 17ra bitarteko astelehenetan izango da, 19:00etatik 21:00etara Jabekuntza Eskolan, Algortako Martikoena kaleko 16 zenbakian. Izen-emateak irailaren 24tik urriaren 1era egin beharko dira Berdintasun Zerbitzuan edo www.getxo.net udal web gunean. Onarpenaren berri bidaliko da eta matrikula egiteko bost euro ordaindu beharko dute onartutakoek. Informazio gehiago 944 660 136 telefono zenbakian eta berdintasuna[abildua]getxo.net helbide elektronikoan. Argazkian, hiru gizonezko umea paseatzen / cc-by-sa Aiaraldea Komunikazio Leihoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun