Euskal Herriko Unibertsitateko (EHU) hamar ikaslek eta irakaslek datorren abenduan San Diegon (Kalifornia, AEB) erakutsiko dituzten artelanak aurkeztuko dituzte Bilbon, Bizkaia Aretoan Chillida gelan, gaurtik, irailaren 19tik, hilaren 30era bitartean, EHUko iturriek jakinarazi dutenez. Zehazki, "California" izenburupean, Julen Agirre, Lorea Alfaro, Iranzu Antona, Lehior Bilbao, Usoa Fullaondo, Jorge Nuñez, Jon Otamendi, Damaris Pan, Unai Requejo eta Olatz Vilariño EHUko ikasle eta irakasleek euren artelanak erakutsiko dituzte, hala nola pinturak, eskulturak, bideoak, argazkiak eta instalazioak. Erakusketaren komisarioa Usoa Fullaondo izango da, eta sarrera librea. Irailaren 30era arte ikusgai izango den erakusketa "California" deitzen. Izen horren arrazoia da aipatutako hamar lagunek San Diegon (Kalifornia, AEB) aurkeztuko dituztela abenduaren 6tik. Ekimena EHUko Arte Ederren Fakultateko eta San Diegoko Kaliforniako Unibertsitateko elkarlanaren arteko fruitua da. Argazkia: © EHU.
Hala, elkarlan horrek AEBetako ikastegiko 12 ikasleren artelanak ekarri zituen Bilbora abuztuaren 29an, "Box has six sides" erakusketan, eta abenduan, euskal ikasle eta irakasleak joango dira San Diegora, "California" erakusketarekin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun