Eleizalde kaleko plazatxoko eraikina berriztatzeko lanak amaitu ostean, 12 eta 18 urte arteko neska-mutilei zuzenduta egongo den gaztelekua inauguratuko dute larunbat honetan, hilak 20, Urdulizen. Hurrenez hurren, hilaren 10 eta 11n jaso zituzten guraso eta gazteen bisitak instalazioek. Baina, bihar zabalduko ditu ateak, konpontzeko, Udalak 514.000 euro jarritako eskola zaharrak. Gaztelekuak hiru solairu izango ditu: lehenengoa, jolasei zuzendua, sarrera librekoa; eta beste biak ekintza kultural eta tailerrei zuzendutakoak. Eskalada-murrua ere jarri dute kanpoko hormetako batean. Biharko inaugurazio jaiari dagokionez, zumba maratoia (12:30), perkusio tailerra (14:00), herri gazte barbakoa (15:00), graffiti erakusketa (17:30), skate tailerra (18:00), pintxo tailerra (19:00) eta DJ diskoteka festa (20:30) izango dira. Argazkian, urtarril hasierarako martxan ziren zaharberritze lanak / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun