Abuztuaren 31ra arte Itzubaltzeta / Romoko Gobelaurre Boluntariotza Zentroa erabili ahal izango duten elkarteak zeintzuk diren erabaki du jada Getxoko Udalak. Aipatutako udal instalazioetako lokalak egoitza bezala erabiltzeko doako aukera hurrengo elkarteek izango dute: ANOTHE, Sarekide, Immigranteen Plataforma Federazioa, Gizatiar, AHIDA, BIZKEL, Moviéndote eta ASEBI. Bestalde, lokal horietan beren jarduerak antolatu ahal izango dituzten entitateak honako hauek izango dira: AHIDA, Alcohólicos Anónimos, ASEBI, BIZKEL, Sarekide. Gizatiar, Pagkakaisa, Uribe-Kosta, Uribe Aldeko Gurutze Gorria, SINOPE, Immigranteen Plataforma Federazioa, SIKAP eta Ongitasun. Udal egitura horren helburua Gizarte Zerbitzuetan lan egiten duten eta beren lana udalerrian burutzen duten entitateei laguntzea da, kasu honetan beren jarduera aurrera eramateko beharrezkoa den lokala uztearen bitartez, “eta ebazpenarekin entitate desberdinek planteatutako beharrei erantzuna eman diegu”, nabarmendu du Elena Coria zinegotziak. Argazkian, Gobelaurre Boluntariotza Zentroa / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun