Ertzaintzaren zenbait patruila gaizkileak bilatzen hasi ziren; handik gutxira susmagarriak aurkitu zituzten Algortako erdigunean. Agenteek identifikatu eta atxilotu egin zituzten, beren deskribapen fisikoa bat zetorrelako bi erasoen egileenarekin. Gainera, bi biktimen dokumentuak eta zenbait kreditu-txartel zeramatzaten gainean, polizien bertsioaren arabera. Ertzainek ustezko lapurrak atxilotu zituzten. 20 eta 18 urte dituzte, eta Neguriko ertzain-etxera eraman zituzten, eginbideak egiteko.
Ekainean atxilotu zuten antzeko delitu batengatik
Susmagarrietako bat joan den ekainean ere atxilotu zuten Areetan emakume bati eraso egiteagatik. Emakume horrek ere ospitalean amaitu zuen. Astelehenean, San Inazio inguruan prozedura bera erabiliz egindako beste lapurreta bat ere leporatzen diete atxilotuei. Bien bitartean, azken asteotan izandako kasuetan parte hartu ote duten ikertzen ari dira agenteak. Eusko Jaurlaritzaren ustez, erasoek "alarma handia" eragin zuten eskualdean, eta, ondorioz, Getxoko Ertzaintzak prebentzio-dispositibo berezia ezarri zuen. Epailearengana eramango dituzte atxiloak datozen orduetan.
Bi gizon atxilotu dituzte Getxon bi emakumeri lapurtzeko kolpatu zituztelakoan
Ertzaintzak bi gizon atxilotu zituen atzo Negurin eta Getxon. Kasu bietan atxilotutako gizonei emakume bati poltsa lapurtzeko indarkeria erabili, lurrera bota eta biktimari ospitalean artatu zizkioten lesioak eragin izana leporatu diete. Eusko Jaurlaritzako Segurtasun Sailak zabaldutakoaren arabera, patruila batek bigarren lapurretaren ondoren aurkitu zituen susmagarriak, eta "berehala" atxilotu zituen, "egiaztatu baitzuten oraindik bi biktimen dokumentuak eta zenbait kreditu-txartel zeramatzatela". Ertzaintzak azken egunotan mota horretako zenbait eraso antzeman zituen Uribe Kostan, eta, ondorioz, dispositibo bat abiarazi zuen. Horren baitan atxilotu zituzten atzo bi susmagarriak. Lehen atxiloketa gaueko 9:30ak aldera izan zen, Getxo udalerriko Neguri hiribidean, izen bereko auzoan; bi pertsona emakume bati erasotzen ari ziren, poltsa lapurtzeko. Ordubete geroago, beste adineko emakume bat lurrera bota zuten Getxoko Maidagan kalean, tira eginda poltsa lapurtzeko. Bi emakumeek zauriak eta ubeldurak pairatu zituzten, eta Gurutzetako ospitalera eraman behar izan zituzten anbulantziaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun