Algortako Kasune kalea itxiko dute ibilgailuentzat ostiral honetan, irailak 26, bide-zorua asfaltatzeko lanei ekingo zaielako berriro, Getxoko Udalak ohartarazi duenez. Kalea 08:00etatik 18:00etara itxiko da, Salsidu etorbidea eta Elorri kalearen artean, errepidea saneatzeko lanak egiteko. Tokiko arduradunek seinaleak errespetatu eta antolatu daitezkeen saihesbideei arreta ipintzea eskatu dute. Aldi berean, barkamena ere eskatu dute sor litezkeen eragozpenengatik. Irailaren 9an abiatu zituzten Getxo udalerriko hainbat kale asfaltatzeko lanak, batez ere, Algortan eta Areetan egingo direnak. Tokiko Gobernu Batzarrak 324.540 eurotan (BEZa barne) esleitu zituen lanak. Horien iraupena 16 aste ingurukoa izango da eta eragina izango dute hurrengo kale hauetan: Abasota, Alango, Amaia, Andres Cortina, Andres Larrazabal, Artibai, Barria, Basarrrate, Benturillena, Bizkerre, Karmen, Euskal Herria, Gobelaurre, Kasune, Larrañazubi, Santa Ana, Mesedetako Ama, Leioako etorbidea, Makaletako etorbidea, Neguri etorbidea, Etxeandia Artzapezpikua, Pinudi, Salsidu etorbidea, Salsidualde, San Nikolas, Valentin Gorbeña, Villaondoeta, Villaverde estarta eta Zubilleta. Argazkia: cc-by-nc-sa Manu Magalhães.
Dagoeneko asfaltatze lanak egin dituzte Areetako San Ana, Amaia, El Pinar, Mesedeetako eta Andres Larrazabal zein Algortako, Bizkerre eta Salsidu kaleetan. Baita Kasune ere, hilaren 18an eta 19an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun